કોભાંડીઓએ સરકારની 1500 વિઘા જમીન કરી ચાઉ

શું સરકારમાં જ બેઠા છે સરકારની સંપતી લુંટનારા,, દોહાદમાં  219 પ્લોટ પર બોગસ રીતે બીન ખેતી કરીને આચરવામાં આવેલા 500 કરોડના કોભાડમાં સરકાર દ્વારા મોટી માછલીઓને બચાવવા નાની માછલીઓ પર કાર્યવાહી કરવામાં આવી રહી હોવાનો આક્ષેપ કરવામાં આવી રહ્યો છે. 

વાત જાણે એમ છે કે વર્ષ 2009 થી 2018 સુધીમાં દાહોદ અને આસપાસના વિસ્તારની સરકારની આશરે 1500 વિધા જેટલી જમીનને બીનખેતી કરી બીન ખેડૂતને અલગ અલગ નામે વેચીને આશરે 500 કરોડ કરતા વધારેનું કૌભાડ આચરવામાં આવ્યું હતું. જેની જાણ વર્ષ 2024માં થતા સરકાર દ્વારા મે 2024માં પગલા લેવા અને ફરીયાદો કરવામાં આવી હતી. આ ફરીયાદમાં  DDO કચેરીના 14, SDM કચેરીના 3, અને કલેક્ટર કચેરીના કર્મચારી મળીને એમ કુલ 19 જેટલા વ્યક્તિઓ વિરુદ્ધ ફરીયાદ દાખલ કરવામાં આવી હતી. જેની બાદમાં દાહોદના જિલ્લા પંચાયત મહેસૂલ શાખાના ઇનચાર્જ દ્વારા ફરિયાદ કરવામાં આવી હતી, પરંતું પોલીસ તપાસમાં જાણવા મળ્યું હતું કે જિલ્લા પંચાયત મહેસૂલ શાખાના ઇનચાર્જ ખુદ આ કૌભાંડના મુખ્ય સુત્રધાર હતા.

તો બીજી તરફ દાહોદના કેટકાક બીન ખેડૂતોને નકલી મરણના દાખલા, અને બીજા કેટલાક દસ્તાવેજો બનાવીને સરકારી ચોપડે ખેડૂત બનનાવાવમાં આવ્યા હતા. સરકાર દ્વારા નિયમ બનાવવામાં આવ્યો છે કે બીન ખેડૂત ખેતીની જમીન ખરીદી કરી શકે નહીં તો પછી કેની રહેમરાહ પર તેમને ખેડૂત બનાવાવામાં આવ્યા તે પણ તપાસનો વિસય બની જાય છે. સાથે સાથે એવા આક્ષેપો પણ કરવામાં આવી રહ્યા છે કે જો ખંતદિલીથી તપાસ કરવામાં આવે તો દાહોદ અને પંચમહાલના વિસ્તારોમાં આવા કેટલાય બોગસ ખેડૂતોનો પર્દાફાશ થઈ શકે તેમ છે. 

દાહોદની આ વિવાદાસ્પદ સરકારી જમીન પર હાલ મકાન, સ્કુલો અને પેટ્રોલપંપ જેવી મિલકતો બનાવી દેવામાં આવી છે. આ કૌભાંડ બહાર આવતા સરકાર દ્વારા બીન ખેતી કરેલી જમીનો ખરીદનારા બિલ્ડરો સામે કેસ કરવામાં આવ્યા હતા, પરંતું બીન ખેતી કરાના અને સરકારની જમીનને વેચનારા સામે કેમ કેસ નથી કરવામાં આવ્યા માત્ર લેનારા સામે જ કેમ કેસ કરવામાં રહ્યા છે. લોકો દ્વારા આક્ષેપ કરવામાં આવી રહ્યા છે કે આમાં સરકારના કેટલાય મોટા અધિકારીઓ અને મોટા ગજાના મંત્રીઓ પણ સામેલ હોવાનુ માનવામાં આવી રહ્યું છે.

જ્યારે દાહોદમાં રહેતા સુરેશચન્દ્ર શેઠ સામે મામલતદારે ખેડુત નહીં હોવા છતા ખેતીલાયક જમીન ખરીદવા મામલે નોટિસ પાઠવી હતી. એડવોકેટ દ્વારા એવી રજૂઆત કરી હતી કે, મામલતદારે આપેલી નોટિસ ગેરકાયદે અને ગેરબંધારણીય છે. સરકારે આજે પોતે સ્વીકાર્યુ હતુ કે આ નોટિસ ખોટી છે આવી નોટિસ આપી શકાય નહીં. મહેસુલ વિભાગમાં મોટું કૌભાંડ ચાલી રહ્યું છે તે સાબિત થઈ ગયુ છે. સુરેશચન્દ્ર શેઠના વકિલે વધુમાં જણાવ્યું હતું કે અમારા દ્વારા સરકારની વેબસાઈટ પર બીન ખેતી બતાવતી જમીન જ ખરીદવામાં આવી હતી. ત્યારે એ વાત શંકા ઉપજાવે એવી છે કે સરકારી વેબસાઇટ અને દસ્તાવેજોમાં કોણે છેડછાડ કરીને ખેતીલાયક જમીનને બીન ખેતી દર્શાવી.

હાલ તો દાહોદના મહેસૂલ અધિકારી દ્વારા વિવાદા સ્પદ જમીનના સર્વે નંબર 175 ના ખરીદ અને વેચાણ પર પ્રતિ બંધ લાદી દેવામાં આવ્યો છે. આ તમામ પ્રશ્નો શંકા ઉપજાવી રહ્યા છે કે શું સરકારના અધિકારીઓ જ આ સમગ્ર કૌભાડ આચરી રહ્યા છે. શું ગુજરાતમાં બીન ખેડૂત હોવા છતા ખેડૂત બનાવવાનું કૌભાડ ચાલી રહ્યું છે. શું આટલું મોટુ કૌભાડ મોટા અધિકારીઓની સંડોવણી વિના થયુ, અને જો અમેની સંડોવણી હોય તો તેમના પર કેમ કોઈ કાર્યવાહી નથી કરવામાં આવી રહી. હાલ રાજ્યના મહેસૂલમંત્રી ખુદ ભુપેન્દ્ર પટેલ છે તો કેમ તેમના તરફથી કોઈ ચોક્કસ પગલા લેવામાં નથી આવી રહ્યા. આ પ્રમાણે કોભાંડો આસરીને ક્યાં સુધી સરકારની સંપતીનો કૌભાંડીઓ લુંટતા રહેશે, લોકો દ્વાર આવા પ્રકારના વિવિધ આક્ષેપો લગાવવામાં આવી રહ્યા છે.