સ્વરુપજી ઠાકોરે વાવના ધારાસભ્ય તરીકે લીધા શપથ

બનાસકાંઠા જિલ્લાની વાવ વિધાનસભા બેઠક પર યોજાયેલી પેટા ચૂંટણીમાં વિજેતા બનેલા ભાજપના સ્વરુપજી ઠાકોરે આજે ધારાસભ્ય તરીકેના શપરથ લીધા હતા. તેમણે વિધાનસભા અધ્યક્ષ શંકર ચૌધરીના કાર્યાલયમાં શપથ લીધા હતા. 

વાવ વિધાનસભા બેઠક પર ગેનીબેન ઠાકોર સાંસદ તરીકે વિજેતા બન્યા બાદ તાજેતરમાં આ બેઠક પર વિધાનસભાની પેટાચૂંટણી યોજાઇ હતી જેમાં ભાજપના ઉમેદવાર સ્વરુપજી ઠાકોર વિજેતા બન્યા હતા. 

સ્વરુપજી ઠાકોરે આજે વિધાનસભાના અધ્યક્ષ શંકરભાઇ ચૌધરીના કાર્યાલયમાં ધારાસભ્ય તરીકેના શપથ લીધા હતા. શપથ લીધા બાદ સ્વરુપજી ઠાકોરે જણાવ્યું કે મારા મત વિસ્તારના અઢારેય વર્ણના લોકોની મહેનતથી મારી જીત થઈ છે અને હું હવે શપથ વિધિ બાદ મારા વિસ્તારમાં સિંચાઇના પાણીના પ્રશ્નને હલ કરવાનો પ્રયાસ કરીશ

હવે  ગુજરાત વિધાનસભામાં ભાજપના ધારાસભ્યોની સંખ્યા વધીને 162 થઈ છે જ્યારે કોંગ્રેસના 12 તથા આમ આદમી પાર્ટીના 4 ધારાસભ્યો છે. અપક્ષ 2, સમાજવાદી પાર્ટી 1 અને વિસાવદર વિધાનસભાનો વિવાદ કોર્ટમાં પહોંચ્યો હોવાથી હજુ ખાલી રહી છે. વિધાનસભાની કુલ બેઠકો 182 છે.