યે આગ કબ બુઝેગી... 24 કલાકથી ધગધગ સળગી રહ્યું છે સુરતનું કાપડ બજાર

રાજ્યના સુરત શહેરમાં કાપડ બજાર 24 કલાકથી આગમાં સળગી રહ્યું છે. બુધવારે સવારે 24 કલાકથી ઓછા સમયમાં આ ચાર માળના બજારમાં બીજી વખત આગ લાગી હતી અને. હવે આ આખી ઇમારત ભઠ્ઠીમાં ફેરવાઈ ગઈ છે. આ ઈમારતમાં 800 થી વધુ દુકાનો છે પરંતુ હાલત એવી છે કે ફાયર બ્રિગેડની ટીમ પણ અંદર જઈ રહી નથી. 

ચીફ ફાયર ઓફિસર વસંત કુમાર પરીખે જણાવ્યું છે કે આગ સતત ભડકતી રહેવાને કારણે ઇમારતની અંદરનું તાપમાન ઘણું વધી ગયું છે. અંદર ઘણી બધું સામગ્રી છે તેથી આગ ઓલવવામાં મુશ્કેલી પડી રહી છે. ગઈકાલે સવારે 8 વાગ્યે અમને પહેલો ફોન આવ્યો. હાલમાં, અમને ઇમારતની મજબૂતાઈ વિશે ખાતરી નથી. આ જ કારણ છે કે અમે હાઇડ્રોલિક પ્લેટફોર્મનો ઉપયોગ કરી રહ્યા છીએ અને બહારથી આગ ઓલવવાનો શ્રેષ્ઠ પ્રયાસ કરી રહ્યા છીએ. તેમણે કહ્યું કે આગમાં દુકાનનો લગભગ 50 ટકા ભાગ બળી ગયો છે.

છેલ્લા 24 કલાકથી 30 થી વધુ વાહનો પાણીનો ફોર્સનો મારો ચલાવી રહ્યા છે

બુધવારે ચાર માળની ઇમારતમાં લાગેલી આગને કાબુમાં લેવા માટે લગભગ 30 ફાયર બ્રિગેડના વાહનો કામે લાગ્યા હતા. ફાયર ફાઇટરોના મતે, એવું લાગે છે કે ઉપરના માળે આગ શોર્ટ સર્કિટને કારણે લાગી હતી. ઇમારતમાંથી ધુમાડાના ગોટેગોટા નીકળતા જોવા મળ્યા. ફેડરેશન ઓફ સુરત ટેક્સટાઇલ ટ્રેડર્સ એસોસિએશનના પ્રમુખ કૈલાશ હકીમે જણાવ્યું હતું કે પરિસ્થિતિ ગંભીર છે. તેમણે કહ્યું, 'અગ્નિશામક વિભાગ અને પોલીસ ટીમ આગ ઓલવવાનો પ્રયાસ કરી રહી છે પરંતુ આગ સતત ભડકી રહી છે. પરિસ્થિતિ ગંભીર છે. શહેરભરમાંથી અગ્નિશામકો અહીં પહોંચી ગયા છે અને અમે ભગવાનને પ્રાર્થના કરીએ છીએ કે પરિસ્થિતિ વહેલી તકે કાબુમાં આવે.

મંગળવારે અગાઉ, ઇમારતના ભોંયરામાં આગ લાગવાથી એક કામદારનું ગૂંગળામણને કારણે મૃત્યુ થયું હતું. ઇમારતના ભોંયરામાં કપડાં રાખવામાં આવ્યા હતા અને થોડા કલાકોમાં આગ પર કાબુ મેળવી લેવામાં આવ્યો હતો.