ઋષિકેશ સ્થિત ગંગામાં સનસિટી ગ્રૂપના બિલ્ડર સમીર શાહનો પગ લપસતાં ડુબ્યા

સનસીટી ગ્રુપના બિલ્ડિર સમીર શાહ રવિવારે સવારે 11 વાગ્યે ઋષીકેશ ગંગા નદીમાં ડૂબકી લગાવતી વખતે પગ લપસતા તણાઇ ગયા હતા. જેના પગલે એનડીઆરએ-એસડીઆરએફની ટીમો શોધખોળમાં લાગી હતી. શહેરના નમાંકિત બિલ્ડિર ગ્રુપ અને સનસીટીના માલિક સમીર શાહ પોતાના પરિવાર સાથે ઋષીકેશ લગ્ન પ્રસંગમાં હાજરી આપવા માટે ગયા હતા. રવિવારે સવારે 11 વાગ્યે તેમના એક મિત્ર સાથે તેઓ ગંગા નદિમાં ડૂબકી લગાવી રહ્યા હતા. તે સમયે અચાનક તેમનો પગ લપસી ગયો હતો. તેમણે સાંકળ પણ પકડી હતી તેમ છતાં ગંગા નદિના ધસમસતા પ્રવાહમાં તેઓ તણાય ગયા હતા.

તેમની સાથે ડૂબકી લગાવવા ગયેલા તેમના મિત્રએ પણ તેમનો હાથ પકડીને બચાવવાનો પ્રયાસ કર્યો હોવાનું બિલ્ડિર લોબીમાંથી જાણવા મળ્યું હતું. જોકે ગંગા નદિના પ્રવાહમાં તેઓ તણાય ગયા હતા. તેમના મિત્ર દ્વારા સ્થાનિક તંત્રને બચાવ કામગીરી માટે સંપર્ક કર્યો હતો. સ્થાનિક તૈરવૈયાઓની મદદ પણ લેવામાં આવી હોવાનું જાણવા મળ્યું હતું. જોકે તેમ છતાં મોડી સાંજ સુધી તેમનો કોઇ પત્તો લાગ્યો ના હતો. શહેરમાં બિલ્ડિર લોબીમાં ખબરને લઇને ચિંતા પ્રસરી હતી.

બિલ્ડિર ગ્રુપો પાસેથી મળતી માહિતી પ્રમાણે સમીર શાહના પુત્ર ઋષીકેશ જવા બપોરે રવાના થયા હતા. મોડી સાંજ સુધીમાં તેઓ ઋષીકેશ પહોંચી ગયા હોવાની જાણકારી મળી હતી. તેમના પરિવારના અન્ય સભ્યો પહેલાથી જ લગ્નપ્રસંગમાં હાજરી આપવા માટે ઋષીકેશમાં હતા.

 બચાવ કામગીરી કરતી ટીમો દ્વારા હેલીકોપ્ટરની મદદ પણ લેવામાં આવી હતી. બિલ્ડર સમીર શાહ જે જગ્યાથી તણાયા હતા ત્યાંથી આગળના વિસ્તારમાં હેલીકોપ્ટર દ્વારા શોધખોળ શરૂ કરવામાં આવી હોવાનું જાણવા મળ્યું હતું.