ST બસ ભાડામાં વધારો, મધ્યવર્ગ અને ગરીબ મુસાફરો પર અસર

ગુજરાત રાજ્ય વાહન વ્યવહાર નિગમે સરકારી ST બસોના ભાડામાં 10% નો વધારો કર્યો છે. શુક્રવાર મધરાતથી નવા ભાડાં લાગુ થશે, જેનો સીધો અસર 27 લાખથી વધુ ગરીબ અને મધ્યવર્ગીય મુસાફરો પર પડશે.

લોકલ બસ ભાડામાં પણ વધારો...!

નિગમના દાવા અનુસાર, રાજ્યની લોકલ બસ સર્વિસમાં દરરોજ 10 લાખ મુસાફરો મુસાફરી કરે છે. તેમ છતાં, લોકલ બસ ભાડામાં ફક્ત 1 થી 4 રૂપિયાનો વધારો કરવામાં આવ્યો છે, જેથી મુસાફરોને નહિવત અસર થશે.

મુસાફરો પર વધી રહેલો ભાર...

બે વર્ષ પહેલાં ST નિગમે 25% સુધી ભાડાંમાં વધારો કર્યો હતો. હવે ફરીથી ભાડાં વધતા, સામાન્ય મુસાફરોને આર્થિક ભાર સહન કરવો પડશે. રાજ્યની જાહેર પરિવહન સેવા માટે આ નિર્ણય કેટલો સાર્થક સાબિત થશે, તે આવનારા સમયમાં જોવા મળશે.