અમદાવાદમાં ટીયર ગેસના ધુમાડાથી અફરાતફરી

Ahmedabad: અમદાવાદના શાહીબાગ વિસ્તારમાં આવેલા પોલીસ હેડ ક્વાર્ટર નજીક એક અનોખી અને ચિંતાજનક ઘટના સામે આવી છે. રિવરફ્રન્ટ રોડ પર અચાનક ગેસના સેલ છોડવામાં આવતા આસપાસના વિસ્તારમાં અફરાતફરીનો માહોલ સર્જાયો હતો. ગેસની અસરને કારણે ત્યાંથી પસાર થતા અનેક વાહનચાલકો અને સ્થાનિક લોકોને આંખમાં બળતરા, શ્વાસ લેવામાં તકલીફ અને ગભરામણ જેવી ફરિયાદો થઈ હતી. ઘટનાની જાણ થતાં પોલીસ,ફાયર બ્રિગેડ અને અન્ય સંબંધિત વિભાગોની ટીમો તાત્કાલિક સ્થળ પર પહોંચી હતી અને સમગ્ર પરિસ્થિતિ પર કાબૂ મેળવવા કાર્યવાહી હાથ ધરી હતી.પ્રાથમિક માહિતી મુજબ આ ઘટના શાહીબાગ હેડ ક્વાર્ટર વિસ્તારમાં ચાલી રહેલી તાલીમ અથવા અન્ય સત્તાવાર પ્રક્રિયા દરમિયાન બની હોવાનું માનવામાં આવી રહ્યું છે. 

અચાનક ગેસ ફેલાતા લોકોમાં દોડધામ
શાહીબાગ વિસ્તારમાં પોલીસ હેડક્વાર્ટર ખાતે રથયાત્રાના અનુસંધાને પોલીસ કર્મચારીઓના ટીયર ગેસ છોડવામાં અંગેની પ્રેક્ટિસ કરાવવામાં આવે છે.આજે સવારના સમયે જ્યારે ટીયર ગેસના સેલ છોડવા અંગેની પ્રેક્ટિસ થઈ રહી હતી ત્યારે સેલ છોડવામાં આવતા તેની અસર આસપાસના વિસ્તારમાં થઈ હતી.રિવરફ્રન્ટ રોડ અને શિલાલેખ ફ્લેટ સુધી તેની અસર જોવા મળી હતી જેમાં રિવરફ્રન્ટ રોડ પરથી પસાર થતા વાહનચાલકો અને રાહદારીઓની આંખોમાં બળતરા તથા પાણી આવવાની ફરિયાદો સામે આવી હતી. સ્થાનિક વ્યક્તિ દ્વારા આ વીડિયો ઉતારીને વાયરલ કરવામાં આવ્યો હતો. ગેસના સેલ ફોડવામાં આવ્યા હતા તેના કારણે આંખમાં બળતરા થઈ હતી એવું વીડિયોમાં જણાવવામાં આવ્યું હતું.

રિવરફ્રન્ટ રોડ પર રોજ હજારો વાહનો પસાર થાય છે. આવી સ્થિતિમાં અચાનક ગેસ જેવી તીવ્ર અસર અનુભવાતા વાહનચાલકો ગભરાઈ ગયા હતા. ઘણા લોકોએ પોતાની આંખોમાં તીવ્ર બળતરા અને પાણી આવવાની ફરિયાદ કરી હતી.કેટલાક લોકોને થોડા સમય માટે વાહન ઉભું રાખીને રસ્તાની બાજુમાં ઊભા રહેવું પડ્યું હતું.ઘટનાના કારણે થોડા સમય માટે સમગ્ર વિસ્તારમાં અફરાતફરીનો માહોલ સર્જાયો હતો. લોકોને શું થયું છે તેની જાણ ન હોવાથી અનેક પ્રકારની અટકળો પણ શરૂ થઈ ગઈ હતી.

ફાયર બ્રિગેડ અને પોલીસ તરત પહોંચી
ઘટનાની જાણ થતાં ફાયર બ્રિગેડની ટીમ, સ્થાનિક પોલીસ તેમજ અન્ય ઇમરજન્સી સેવાઓ તાત્કાલિક સ્થળ પર પહોંચી હતી. અધિકારીઓએ સમગ્ર વિસ્તારનું નિરીક્ષણ કર્યું અને ગેસની અસરનું મૂલ્યાંકન શરૂ કર્યું.સુરક્ષાના ભાગરૂપે થોડા સમય માટે લોકોને અસરગ્રસ્ત વિસ્તારથી દૂર રહેવાની સૂચના આપવામાં આવી હતી. પરિસ્થિતિ સામાન્ય બન્યા બાદ ટ્રાફિકને ફરીથી નિયમિત કરવામાં આવ્યો.

લોકોએ વાહન ઉભા રાખવાની ફરજ પડી
પોલીસ કેમ્પસમાં છોડવામાં આવેલા ટીયર ગેસની ધુમાડો પવનના કારણે રિવરફ્રન્ટ રોડ તરફ પહોંચી ગયો હતો. રસ્તા પરથી પસાર થઈ રહેલા વાહનચાલકો અને રાહદારીઓ આ ધુમાડાની લપેટમાં આવી ગયા હતા. ટીયર ગેસના ધુમાડાના કારણે અનેક વાહનચાલકો અને રાહદારીની આંખોમાં બળતરા, શ્વાસ લેવામાં તકલીફ થવા લાગી હતી. જ્યારે અચાનક આંખોમાંથી પાણી વહેવા લાગતા કેટલાય લોકોએ રસ્તાના કિનારે ઊભા રહીને આંખો ધોવાની ફરજ પડી હતી.આંખોમાં થયેલી બળતરા અને ચિંતાજનક સ્થિતિને કારણે કેટલાક વાહનચાલકોએ અકસ્માતથી બચવા માટે પોતાના વાહનો ધીમા પાડી દીધા હતા અથવા થોડા સમય માટે રોકી દીધા હતા, જેના લીધે રિવરફ્રન્ટ રોડ પર ટ્રાફિક વ્યવસ્થા ખોરવાઈ હતી. આ ઘટનાની ગંભીરતાને જોતાં જ પોલીસ કર્મચારીઓ તુરંત હરકતમાં આવ્યા હતા અને પરિસ્થિતિને નિયંત્રિત કરવા તેમજ વાહનચાલકોને સુરક્ષિત રીતે આગળ વધારવા માટે જરૂરી પગલાં લીધા હતા.

આ સમગ્ર ઘટનામાં કોઈ જાનહાનિ નહીં 
અમદાવાદના શાહીબાગ હેડ ક્વાર્ટર નજીક બનેલી આ ઘટનાએ સુરક્ષા વ્યવસ્થાને લઈને અનેક સવાલો ઉભા કર્યા છે. ગેસના સેલની અસર જાહેર માર્ગ સુધી પહોંચતાં વાહનચાલકો અને સ્થાનિક લોકોને ભારે હાલાકીનો સામનો કરવો પડ્યો હતો. સદનસીબે કોઈ મોટી જાનહાનિના સમાચાર સામે આવ્યા નથી, પરંતુ ઘટના બાદ પ્રશાસન સતર્ક બન્યું છે અને સમગ્ર મામલે વિગતવાર તપાસ શરૂ કરવામાં આવી છે.તપાસ પૂર્ણ થયા બાદ જ સ્પષ્ટ થશે કે ગેસના સેલ છોડવાનું ચોક્કસ કારણ શું હતું, સુરક્ષા વ્યવસ્થામાં કોઈ ખામી હતી કે નહીં અને ભવિષ્યમાં આવી ઘટનાઓ ન બને તે માટે કયા વધારાના પગલાં લેવામાં આવશે.તેમ છતાં, પોલીસ હેડક્વાર્ટરમાં છોડવામાં આવેલા ટીયર ગેસની અસર જાહેર માર્ગ સુધી પહોંચતા સામાન્ય નાગરિકોને પણ મુશ્કેલીનો સામનો કરવો પડ્યો હતો.અચાનક સર્જાયેલી આ પરિસ્થિતિએ સુરક્ષા વ્યવસ્થાને લઈને પણ અનેક સવાલો ઉભા કર્યા છે કે આવી કામગીરી દરમિયાન આસપાસના જાહેર વિસ્તારો પર તેની અસર ન થાય તે માટે વધુ સાવચેતી.