Ahmedabad માં મોડી રાત્રે ઘમસાણ, નાની બાબતે રાજકીય પક્ષો આમને-સામને...!

અમદાવાદ શહેરમાં મોડી રાત્રે તણાવપૂર્ણ પરિસ્થિતિ સર્જાઈ હતી, જ્યારે શાહઆલમ વિસ્તારમાં આવેલા સ્વામિનારાયણ કોલેજ પાસે બે રાજકીય પક્ષોના કાર્યકર્તાઓ આમને-સામને આવી ગયા હતા. મળતી માહિતી અનુસાર, ભાજપના કાર્યકરો ઝંડા લગાવવાની કામગીરીમાં વ્યસ્ત હતા ત્યારે કોંગ્રેસના કાર્યકરો ત્યાં પહોંચ્યા અને વિક્ષેપ પેદા કર્યો હોવાનો ભાજપનો આક્ષેપ છે.

ઘટનાને લઈને ભાજપના કાર્યકરોના કહેવા મુજબ, પોલીસને જાણ કર્યા બાદ પણ ફરિયાદ દાખલ કરવામાં આવી નહોતી, જે અંગે તેઓએ અસંતોષ વ્યક્ત કર્યો છે. પરિસ્થિતિ વધારે ન વણસે તે માટે પોલીસ તાત્કાલિક ઘટનાસ્થળે પહોંચી હતી અને ટોળાને વિખેરીને શાંતિ જાળવી હતી. હાલ સમગ્ર વિસ્તાર શાંતિપૂર્ણ છે અને પરિસ્થિતિ નિયંત્રણમાં છે.

પોલીસે કહ્યું છે કે તેઓ સમગ્ર મામલાની તપાસ કરી રહ્યા છે અને જરૂર પડશે ત્યારે કાયદેસરની કાર્યવાહી પણ કરવામાં આવશે.