લો બોલો..વડોદરામાં લોકો રસ્તો બનાવાની ના પાડે છે પણ કોર્પોરેશન રસ્તો બનાવા તત્પર છે

વડોદરા કોર્પોરેશન પોતાની અણઘડ કામગિરી માટે હવે તો આખા રાજ્યમાં જાણીતુ બની ગયું છે. વડોદરા કોર્પોરેશન રાજ્યમાં એક માત્ર એવી કોર્પોરેશન છે જે જે વિસ્તારમાં રસ્તાની જરુર જ નથી વિસ્તારમાં રસ્તા બનાવી રહ્યું છે એના કારણે વડોદરાના લોકો પણ કોર્પોરેશનના અધિકારીઓ અને શાસકો કેવો વહિવટ કરે છે તે જોઇને  આશ્ચર્યમાં મુકાયા છે. વડોદરાના કારેલીબાગ વિસ્તાર માં 4 જેટલી સોસાયટીઓના રહિશો રસ્તાનો વિરોધ કરી રહી છે તેમ છતાં અહી રસ્તો બનાવવામાં આવ્યો છે. અહીંના લોકોને વારંવાર રસ્તા પર કાર્પેટિંગ કરવાના કારણે લોકોના ઘરોમાં પાણી ભરાય તેવો ભય છે તેમ છતાં પાલિકાના શાસકો રહિશોનું માનવા કે કોઈનું કશું સાંભળવા સુદ્ધાં તૈયાર નથી

વડોદરા મહાનગર પાલિકા તેના વિચિત્ર કારનામાઓ ને લઈને સતત વિવાદમાં રહે છે. પાલિકાના શાસકોએ જ્યાં કોઈ જ રોડ બનાવવાની જરૂર નથી તેવી જગ્યાએ રોડ બનાવાતા લોકો રોષે ભરાયા છે.ગત ચોમાસામાં જે સોસાયટી ઓમાં પાણી ભરાયા હતા તે સોસાયટીમાં પાલિકાના પાપે ફરી પુર આવે તેવી સ્થિતિ સર્જાઈ છે. વડોદરાના કારેલીબાગ વિસ્તારમાં આવેલી દીપિકા સોસાયટી, સાંઈ કૃપા અને મીરા સોસાયટીના લોકો રસ્તો બનતા વિરોધ કરી રહ્યા છે. અહીંના સ્થાનિક લોકોનું કહેવું છે કે વિકાસ કાર્યોનો કોઈ વિરોધ નથી પરંતુ એ વિકાસ પણ શું કામનો જે પ્રજાના હિતમાં જ ન હોય? અહીં પાલિકાએ રસ્તાની ઉપર રસ્તો બનાવતા સોસાયટીના રસ્તા કરતા સોસાયટીની બહારનો મુખ્ય રસ્તો ઊંચો થઈ ગયો છે. જેથી લોકો વિરોધ કરી રહ્યા છે.લોકો ને ભય છે કે ચોમાસામાં ઘરો પાણી ભરાશે જેના કારણે સ્થાનિક લોકોએ રસ્તાની કેટલીક કામગીરી પણ બંધ કરાવી દીધી છે.

દીપિકા ગાર્ડન પાસેના રસ્તાનું અડધું કામ લોકો એ અટકાવી દીધું છે જ્યારે મીરા સોસાયટીના રસ્તાનું કામ પૂરું કરી દેવામાં આવ્યું છે. જોકે લોકોનું કહેવુ છે કે અમે રસ્તાનું બનાવવાની કોઈ માંગ જ  નથી કરી છતાં અહીં બિનજરૂરી રસ્તો બનાવવામાં આવી રહ્યો છે. જોકે આ બાબતે વોર્ડ 7 ના રોડ એન્જિનિયર કહી રહ્યા છે કે વરસાદી ગટરોના ક્રોસિંગ આપીને આ રસ્તો બનાવ્યો છે. દીપિકા સોસાયટીના રસ્તાનું કામ અધૂરું છે. લોકો કહેશે તો રસ્તા બનાવીશું એટલે કે લોકો ની ભલામણ વગર જ આ રસ્તાનો ખર્ચ પાડી દેવામાં આવ્યો છે તે નક્કી છે ..

બીજી તરફ શહેરમાં એક તરફ એવા ઘણા વિસ્તારો છે જ્યાં ખરેખર રસ્તાની જરૂર છે ત્યાં રસ્તા બનતા નથી. એવા પણ વિસ્તારો છે જ્યાં રસ્તા પર ખાડા છે અને રસ્તા અવરજવર કરી શકાય તેવા પણ નથી અને કારેલીબાગ વિસ્તારમાં લોકો ને રસ્તો મુશ્કેલી ઉભી કરે તેમ છે તે વિસ્તારમાં રસ્તો બનાવવા આવી રહ્યો છે.  લોકો ની માંગ છે કે જૂનો રસ્તો તોડી ડામર હટાવી નવો રસ્તો બનાવવામાં આવે છે. રસ્તા ઉફર જ રસ્તો બનાવીને કોર્પોરેશન  રસ્તા ઉપર રસ્તો બનાવીને કોર્પોરેશનના કોન્ટ્રાક્ટરો અને અધિકારીઓની મિલીભગતમાં આ પ્રકારે ભ્રષ્ટાચાર કરવામાં આવે ચે તેવો આરોપ લોકો લગાવી રહ્યા છે. જ્યાં જરુર છે ત્યાં રસ્તા બનતા નથી અને લોકો આંદોલનો કરીને તૂટી જાય છે પણ ત્યાં રસ્તા બનતા નથી. માત્ર બિલો મંજૂર કરવા માટે જ આ રીતે રસ્તા પર રસ્તો બનાવીને ભ્રષ્ટાચાર આચરાતો હોવાનો આરોપ પણ લગાવાયો છે.