વિદ્યાર્થીના ભવિષ્ય સાથે ચેડાં! B.Com. સેમ-1 પેપર લીક કેસનો પર્દાફાશ

ગુજરાતમાં શૈક્ષણિક વ્યવસ્થાને લઈને વધુ એક ચોંકાવનારી ઘટના સામે આવી છે. ગુજરાત યુનિવર્સિટીની B.Com. સેમેસ્ટર-1 ના અંગ્રેજી માધ્યમનું પેપર વોટ્સએપ પર વાયરલ થવાને કારણે શૈક્ષણિક પ્રણાલીમાં ગભરાટ ફેલાયો છે.

એક પેપર દીઠ રૂપિયા 300 ઉઘરાવ્યા...

ગાંધીનગરની એક સરકારી કોલેજના વિદ્યાર્થીએ પેપર લીક કરીને દરેક વિદ્યાર્થીઓ પાસેથી ₹300 ઉઘરાવ્યા હોવાની જાણકારી સામે આવી છે. આશરે 100 વિદ્યાર્થીઓએ આ પેપર ખરીદ્યું હોવાને કારણે, કુલ ₹30,000 જેટલી રકમ ઉઘરાવવામાં આવી હતી.

NSUI દ્વારા પર્દાફાશ...

ગુજરાત યુનિવર્સિટીમાં થઇ રહેલા પેપર લીકના કેસમાં NSUI (National Students’ Union of India) દ્વારા સમગ્ર ઘટનાનો ખુલાસો કરવામાં આવ્યો છે. આ વિજ્ઞાન અને ટેકનોલોજીના યુગમાં પણ શૈક્ષણિક વ્યવસ્થામાં આવી ગેરરીતિઓ સામે આવતા વિદ્યાર્થીઓ અને માતાપિતામાં નારાજગી જોવા મળે છે.

પોલીસ અને યુનિવર્સિટી શું કાર્યવાહી કરશે?

આ ઘટના સામે આવતા હવે શિક્ષણ વિભાગ અને યુનિવર્સિટી દ્વારા તપાસ શરૂ કરવામાં આવશે. યોજના બનાવવામાં આવશે કે ભવિષ્યમાં આવી ગેરરીતિઓ ન થાય. આ ઘણા પછી, વિદ્યાર્થી સમાજમાં ભવિષ્યની પરીક્ષાઓને લઇ અનિશ્ચિતતાનો માહોલ સર્જાયો છે. હવે જોવું રહ્યું કે શૈક્ષણિક તંત્ર આ મામલે શું પગલા લે છે.