અમદાવાદમાં પેટ ડોગ માટે હવે રજીસ્ટ્રેશન ફી 500 રૂપિયા ભરવી પડશે

અમદાવાદમાં ઘરેલું શ્વાનો (પેટ ડોગ્સ) રાખનાર માટે મહત્વપૂર્ણ સમાચાર છે. હવે આની માટે રજીસ્ટ્રેશન કરાવવું ફરજિયાત છે અને તેની ફીમાં પણ મોટો વધારો થયો છે. આ અગાઉ જે ફી માત્ર 200 રૂપિયા હતી, હવે તે 500 રૂપિયા કરવામાં આવી છે.

મ્યુનિસિપલનો નિર્ણય

અમદાવાદ મ્યુનિસિપલ કોર્પોરેશનના CNCD વિભાગ દ્વારા પેટ ડોગ માટે રજીસ્ટ્રેશન પ્રક્રિયા હાથ ધરવામાં આવી છે. 31 મે સુધીમાં 15,504 પાલતુ શ્વાનોનું રજીસ્ટ્રેશન પૂર્ણ થયું છે. હવે નવી નીતિ હેઠળ રજીસ્ટ્રેશન માટે ઓનલાઈન ફોર્મ ભરવું પડશે અને 500 રૂપિયા ફી ચુકવવી પડશે.

ફી કેવી રીતે ભરવી?

ઓનલાઈન માધ્યમથી ફોર્મ ભરવાનું રહેશે, જેમાં અરજદારની વિગતો અને જરૂરી દસ્તાવેજો અપલોડ કરવા પડશે. પછી પેમેન્ટ પોર્ટલ પર જઈને ફી ભરી શકાય છે. જો વધુ માહિતી કે ચકાસણીની જરૂર હોય તો CNCD વિભાગ (જમાલપુર જગન્નાથ મંદિર સામે)માં સંપર્ક કરી શકાય છે.

ફી ભરવા જરૂરી દસ્તાવેજો

ફી ભરવા માટે અરજદારનું આધાર કાર્ડ/ચૂંટણી કાર્ડ, ટેક્સ બીલ, લાઇટ બીલ, પેટ ડોગના ફોટોગ્રાફ, શ્વાન રાખવાના સ્થળના ફોટોગ્રાફની આવશ્યકતા રહેશે.