સુરતમાં ભાજપના કાર્યકરનું વધુ એક કરતૂત, તમે ચોંકી જશો

તાજેતરમાં સુરતમાં ભાજપના એક કાર્યકરે કરેલા ફાયરિંગમાં 2 વ્યક્તિ ઇજા પામ્યા હોવાનો કિસ્સો બહાર આવ્યો હતો ત્યારે આજે બીજો આવો કિસ્સો બહાર આવતા ખળભળાટ મચી ગયો છે. સુરતના ડીંડોલી વિસ્તારમાં ભાજપનો કાર્યકર હાથમાં રિવોલ્વર સાથે એક ડાન્સર સાથે ડાન્સ કરી રહ્યો હોવાનો વીડિયો વાયરલ થયો છે.

સુરતમાં ભાજપના વધુ એક સક્રિય કાર્યકરનો વિવાદીત વીડિયો સોશિયલ મીડિયામાં વાયરલ થયો છે.  વાયરલ થયેલો આ વીડિયો ડીંડોલી વિસ્તારના ભાજપના સક્રિય કાર્યકર સુજીત ઉપાધ્યાયનો હોવાનું કહેવાય છે પણ આ વાયરલ વીડિયોનું બેનિફીટ ન્યૂઝ સમર્થન કરતું નથી.

વાયરલ વીડિયોમાં જોવા મળે છે કે સુજીત ઉપાધ્યાય હાથમાં રિવોલ્વર સાથે એક ડાન્સર સાથે ડાન્સ કરી રહ્યો છે. તે જ્યારે ડાન્સ કરી રહ્યો હોય છે ત્યારે તેના હાથમાં રિવોલ્વર પણ જોવા મળે છે. 

જો કે આ વીડિયો ક્યાનો છે તે જાણી શકાયું નથી, પણ આ વીડિયો ખુબ જ વાયરલ થઇ રહ્યો છે.  સુજીત ઉપાધ્યાય સુરત શિક્ષણ સમિતિના સભ્ય શુભમ ઉપાધ્યાયનો સગો ભાઈ હોવાની વિગતો સામે આવી છે.ઉલ્લેખનિય છે કે સુરતમાં તાજેતરમાં ડીંડોલીમાં જ ઉમેશ  તિવારીએ કરેલા ફાયરિંગ બાદ વધુ એક ભાજપના કાર્યકરનો વિડીયો વાયરલ થયો છે ત્યારે સુજીત ઉપાધ્યાયના વીડિયો મામલે હવે પોલીસ શું કાર્યવાહી કરે છે એ સૌથી મોટો સવાલ છે.