ચમત્કારનો પર્યાય બનેલા વિશ્વાસ કુમારને અગનગોળામાંથી બહાર આવતા જુઓ..

'રામ રાખે તેને કોણ ચાખે' કહેવતનું જીવંત ઉદાહરણ બની ગયેલા દિવના યુવક વિશ્વાસ કુમાર રમેશનો નવો વિડીયો બહાર આવ્યો છે.

અમદાવાદમાં એર ઇન્ડિયાના વિમાન દુર્ઘટનામાં બચી ગયેલા એકમાત્ર મુસાફર વિશ્વાસ કુમાર રમેશ છે. વિમાનમાં સવાર બાકીના 241 લોકોના મોત થયા હતા. વિશ્વાસ કુમારનો એક નવો વીડિયો સોશિયલ મીડિયા પર વાયરલ થયો છે. આમાં તે દુર્ઘટના સ્થળ પરથી બહાર નીકળતો જોવા મળે છે. આ વીડિયોમાં અકસ્માતની ભયાનકતા અને ત્યાં હાજર લોકોની ચીસો સંભળાય છે. વિશ્વાસ કુમાર રમેશ આગ અને ધુમાડા વચ્ચે ચાલતા બહાર આવે છે. ત્યાં હાજર લોકો તેમને પોતાની સાથે લઈ જાય છે.

 

આજે સવારથી જ સોશિયલ મીડિયામાં આ નવો વીડિયો વાયરલ થઇ રહ્યો  છે. 12 જૂનના રોજ, એર ઇન્ડિયાનું 171 બોઇંગ ડ્રીમલાઇનર 787 વિમાન અમદાવાદમાં બીજે મેડિકલ કોલેજના હોસ્ટેલ બિલ્ડિંગ પર ક્રેશ થયું હતું. આ ઘટનાએ સમગ્ર દેશને હચમચાવી નાખી હતી, જ્યારે વિશ્વાસ કુમાર રમેશના બચી જવાને 'ચમત્કાર' ગણાવવામાં આવી રહ્યો છે.

જુઓ વીડિયો----  https://www.instagram.com/p/DK9S1MDCvi9/

એર ઇન્ડિયાની ફ્લાઇટ અમદાવાદના સરદાર વલ્લભ ભાઈ એરપોર્ટથી લંડનના ગેટવિક માટે ઉડાન ભરી હતી. વિશ્વાસ કુમાર રમેશ સીટ નંબર ૧૧એ પર બેઠા હતા. વિમાને ઉડાન ભરી અને થોડી જ સેકન્ડોમાં બીજે મેડિકલ કોલેજના હોસ્ટેલમાં અથડાયું. સીટ નંબર ૧૧એ ઇમરજન્સી એક્ઝિટ પાસે હતી. વિશ્વાસ કુમારે પોતે કહ્યું કે તેમને બચવાની આશા નહોતી. તેમણે કહ્યું કે તેમને વિશ્વાસ નથી થઈ રહ્યો કે તેઓ જીવતા કેવી રીતે બહાર આવ્યા. રમેશે કહ્યું કે મને પણ લાગતું હતું કે હું મરી જઈશ. ટેકઓફ થયા પછી વિમાન અટકી ગયું અને અંદરની લાઇટ ચાલુ થવા લાગી. જ્યારે મેં મારી આંખો ખોલી, ત્યારે મને ખ્યાલ આવ્યો કે હું બચી ગયો છું.

આ પણ વાંચો--- અમદાવાદ પ્લેન ક્રેશ, વધુ એક માનવ અંગ મળ્યું..તપાસ એજન્સીને મળ્યું આ અગત્યનું ડિવાઇસ