વડોદરામાં નવી જંત્રીના દરોના વિરોધમાં ક્રેડાઇ દ્વારા વિશાળ રેલી

રાજ્યમાં જાહેર કરાયેલા નવી જંત્રીના દરોની સામે વડોદરામાં ક્રેડાઇ દ્વારા ઉગ્ર વિરોધ નોંધાવવામાં આવ્યો છે. વડોદરામાં ખેડૂતો અને બિલ્ડર્સ સાથે ક્રેડાઇની આગેવાની હેઠળ સયાજીનગર ગૃહથી કલેક્ટર કચેરી સુધી વિશાળ રેલી યોજાઈ હતી, જેમાં સરકારે કરેલા જંત્રી વધારાનો વિરોધ કરવામાં આવ્યો. 

ક્રેડાઇના પ્રતિનિધિઓએ સરકાર સામે આક્ષેપ કર્યો કે આ દરોમાં ભારે વિસંગતતા છે અને કોઇ પણ પ્રકારના સર્વે વગર આડેધડ આ ભાવ વધારાનો નિર્ણય લેવામાં આવ્યો છે. તેમની દલીલ છે કે જંત્રી વધારાથી આવાસ માટેની ખર્ચવાળી યોજનાઓ પર અસર થશે અને ગરીબ વર્ગ માટે ઘરનું સ્વપ્ન માત્ર કલ્પના જ બની રહેશે. 

અધિકારીઓ સમક્ષ રજુઆત કરવામાં આવી છે કે જો સરકાર આ વધારો પાછો નહીં ખેંચે, તો આ મુદ્દા માટે હાઇકોર્ટમાં ફરિયાદ દાખલ કરવામાં આવશે. આ વિરોધમાં મોટી સંખ્યામાં લોકોએ હાજરી આપી હતી