સુરત શહેરમાં વેબ સિરીઝમાં કામ અપાવવાની લાલચ આપી એક વેપારી પાસેથી રૂપિયા 1.71 કરોડની જંગી ઠગાઈ કરનાર દિલ્હી સ્થિત દંપતી પોલીસે પકડી પાડ્યું છે.&nbsp;વેસુ વિસ્તારના સાડી વેપારી સાથે છેતરપિંડી કરી ફિલ્મ ઇન્ડસ્ટ્રીમાં કામ આપવાના નામે થતી ઠગાઈના વધતા કિસ્સાઓને ફરી એકવાર ઉજાગર કરે છે.
મળતી માહિતી મુજબ, વેસુના એક વેપારીને દિલ્હીના વિવેક રોય અને અલકા ઠાકુર નામના દંપતીએ વેબ સિરીઝમાં મહત્વનું કામ અપાવવાનું આશ્વાસન આપ્યું હતું. વિશ્વાસ જીતવા માટે આ દંપતીએ વેપારીને 'પ્રોજેક્ટ ડેવલપમેન્ટ' અને 'પ્રોડક્શન પ્રક્રિયા'ના બહાને તબક્કાવાર કુલ 1.71 કરોડ રૂપિયા જમા કરાવ્યા.
વીપરીએ પૈસા ટ્રાન્સફર કર્યા બાદ તેઓએ પ્રોજેક્ટની ડમી સ્ક્રિપ્ટ અને સ્ટુડિયો ફોટોઝ બતાવી વિશ્વાસ વધુ મજબૂત બનાવવાનો પ્રયાસ કર્યો હતો. પરંતુ થોડા સમય બાદ તેઓ વેપારી સાથેનો સંપર્ક તોડી નાંખ્યો અને જ્યારે વેપારી સ્ટુડિયોમાં પહોંચ્યા ત્યારે ત્યાં તાળા લાગેલા હતા જે જોઈ માલિકો ગાયબ હતા.
આ મામલે વેપારીએ અલથાણ પોલીસ સ્ટેશને ફરિયાદ નોંધાવી હતી. પોલીસે ટેક્નિકલ સર્વેલન્સ, મોબાઇલ ટ્રેકિંગ અને બેંકિંગ ટ્રેઈલની મદદથી આરોપીઓનું લોકેશન દિલ્હી સુધી ટ્રેસ કર્યું હતું.&nbsp;પોલીસની ટીમે દિલ્હી પહોંચીને ઠગાઈ કરનાર દંપતી વિવેક રોય અને અલકા ઠાકુરને ઝડપી લીધા હતા અને ત્યારબાદ તેમને સુરત લાવવામાં આવ્યા હતા. પ્રાથમિક તપાસમાં જાણવા મળ્યું છે કે આ દંપતી એ જ મોડસ ઓપરેન્ડીથી અગાઉ પણ અન્ય લોકો સાથે પણ છેતરપિંડી કરી ચૂક્યું છે.
સુરત પોલીસે આરોપીઓ સામે છેતરપિંડી, ફોજદારી ભંગ અને વિશ્વાસઘાત સહિતની કલમો હેઠળ ગુનો દાખલ કર્યો છે. આરોપીઓ અન્ય રાજ્યોમાં પણ આવી જ રીતે લોકો સાથે છેતરપિંડી કરી હોવાની શંકા છે. પોલીસ હવે અન્ય સંભવિત ભોગ બનેલાઓને શોધવા પ્રયત્નશીલ છે.
આ બનાવ ફરીથી સાબિત કરે છે કે ફિલ્મ ઇન્ડસ્ટ્રીમાં વેબ સિરીઝના નામે &lsquo;મોટા રોલ&rsquo; અને &lsquo;ઑડિશન&rsquo;ની લાલચ આપી ઠગાઈ કરનારા ચક્રવ્યૂહો વધી રહ્યા છે. પોલીસે નાગરિકોને ચેતવણી આપી છે કે કોઈ અજાણી કંપની કે વ્યક્તિને કામની ખાતરી સામે મોટી રકમ પૂરાવા વગર ન આપવી.&nbsp;
&nbsp;

વેબ સિરીઝના બહાને 1.71 કરોડની ઠગાઈ બાદ ધરપકડ

સુરતમાં ફિલ્મ ઇન્ડસ્ટ્રીની લાલચ આપી વેસુના વેપારી સાથે ઠગાઈ બાદ ઠગ દંપતીની ધરપકડ

November 22, 2025 | 16:10 IST