છેલ્લા કેટલાક સમયથી શાંત પડેલું ચોમાસું ફરી એકવાર સક્રિય થયું છે અને ગુજરાત તેમજ મહારાષ્ટ્રના કેટલાક વિસ્તારોમાં ભારે વરસાદની આગાહી કરવામાં આવી છે. ભારતીય હવામાન વિભાગે મુંબઈ, થાણે, રાયગઢ, બીડ, અહિલ્યાનગર, પુણે અને લાતુર માટે ઓરેન્જ એલર્ટ જારી કર્યું છે. આ વિસ્તારોમાં મધ્યમથી તીવ્ર વરસાદની સાથે વાવાઝોડા અને વીજળી પડવાની શક્યતા છે.&nbsp;
પવનની ગતિ 40થી 50 કિમી
પવનની ગતિ 40થી 50 કિલોમીટર પ્રતિ કલાક સુધી પહોંચી શકે છે. આ પહેલાં સોમવારે સવારે મુંબઈના કેટલાક ભાગોમાં ભારે વરસાદ પડ્યો હતો, જેમાં કોલાબામાં 88.2 મીમી, બાંદ્રામાં 82.0 મીમી અને ભાયખલામાં 73.0 મીમી વરસાદ નોંધાયો હતો. આ ઉપરાંત, કોંકણ અને રત્નાગિરિ જેવા અન્ય વિસ્તારો માટે પણ યલો એલર્ટ જાહેર કરવામાં આવ્યું છે.
આ પણ વાંચો: <a href="https://www.benefitnews24.com/gujarati/sports/meghmeher-remains-unchanged-farmers-happy-questions-raised-against-administration/19316" target="_blank" rel="noopener">મેઘમહેર યથાવત: ખેડૂતો ખુશ, પ્રશાસન સામે સવાલ</a>
ગુજરાતમાં પણ વરસાદનો નવો રાઉન્ડ શરૂ
ચોમાસું વિદાયની તૈયારીમાં હોવા છતાં, ગુજરાતમાં પણ વરસાદનો વધુ એક રાઉન્ડ શરૂ થયો છે. છેલ્લા 2 દિવસથી દક્ષિણ ગુજરાત અને સૌરાષ્ટ્રના વિસ્તારોમાં હળવાથી મધ્યમ વરસાદ પડી રહ્યો છે. હવામાન વિભાગે સોમવાર, 15 સપ્ટેમ્બર 2025, માટે ઉત્તર ગુજરાતના કેટલાક જિલ્લાઓમાં ભારે વરસાદની આગાહી કરી છે. જેમાં બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, અમદાવાદ, ખેડા અને આણંદનો સમાવેશ થાય છે. આ વિસ્તારોમાં ગાજવીજ સાથે છૂટોછવાયો વરસાદ પડી શકે છે. હવામાન વિભાગ અનુસાર, આ ભારે વરસાદની આગાહી ખાસ કરીને ઉત્તર ગુજરાત માટે છે.
અમદાવાદમાં હવામાન કેવું રહેશે?
હવામાન વિભાગના જણાવ્યા મુજબ, અમદાવાદમાં સોમવાર, 15 સપ્ટેમ્બરના રોજ આકાશ 85 ટકા વાદળછાયું રહેશે. જોકે, વરસાદની શક્યતા નહિવત છે. શહેરના પવનની ગતિ પ્રતિ કલાક 13 કિલોમીટર રહે તેવી શક્યતા છે. જોકે, અન્ય જિલ્લાઓમાં ભારે વરસાદની આગાહીને કારણે સાવચેત રહેવું જરૂરી છે.

ભારે વરસાદની આગાહી

ચોમાસું સક્રિય થતાં મુંબઈ, મહારાષ્ટ્ર અને ગુજરાતના કેટલાક વિસ્તારોમાં ભારે વરસાદની આગાહી

September 15, 2025 | 14:38 IST