કચ્છમાં પાક.ના ડ્રોન એટેક, ભુજ પાસે ડ્રોન તોડી પડાયું

કચ્છ જિલ્લામાં ગત રાતથી અત્યાર સુધી પાકિસ્તાનની સતત નાપાક હરકતો ચાલુ રહી છે. પાકિસ્તાન સતત કચ્છના વિવિધ વિસ્તારોમાં ડ્રોન એટેક કરી રહયુ છે પણ ભારતીય સેના તેને જડબાતોડ જવાબ આપીને ડ્રોનને તોડી પાડી રહ્યું છે. ભુજ પાસે ભારતીય સેનાએ નાગોર નજીક ડ્રોન તોડી પાડ્યું છે. ભુજના નાગોર ગામ નજીક ડ્રોન ક્રેશ થયું છે. નાગોર ની સીમ વિસારમાં ડ્રોન ક્રેશ થયું છે. ઘટનાની જાણ છતાં સ્થાનિક પોલીસ,એલસીબી પોલીસ સ્થળ પર પહોચી હતી તો ખેતરમાં ડ્રોનના ટુકડા જોવા મળ્યા. સમગ્ર મામલે તપાસ ચાલુ કરવામાં આવી છે.

કચ્છમાં સતત ડ્રોન એટેકના પગલે જિલ્લા કલેક્ટરે નાગરીકોને પોતાનો નાગરિક ધર્મ નિભાવવા અપીલ કરી છે. કલેક્ટર આનંદ પટેલે મીડિયાના માધ્યમથી લોકોને અપીલ કરી છે કે જિલ્લાના દરેક નાગરિકો રાત્રે તમામ લાઈટ બંધ રાખીને "સ્વયંભૂ સંપૂર્ણ બ્લેકઆઉટ"માં સહભાગી બને અને "સ્વયંભૂ સંપૂર્ણ બ્લેકઆઉટ"માં જોડાઈને નાગરિકોએ બિનજરૂરી ઘરની બહાર ના નીકળો

કલેક્ટર આનંદ પટેલે લોકોને તંત્રની સૂચનાઓનું ગંભીરતાથી પાલન અપીલ કરી હતી.જો કે તેમણે લોકોને જણાવ્યું હતું કે નાગરિકોએ કોઈ જ ખોટી અફવાઓથી દોરાઈને ગભરાવવાની જરૂર નથી. આ સાથે  સોશિયલ મીડિયામાં કોઈપણ વિવાદીત કે વિસંગત પોસ્ટ નહીં કરવા કચ્છ કલેક્ટરે નાગરિકોને સૂચન કર્યું હતું.

કલેક્ટરે લોકોને પોતાના પરિવારના સભ્યોની સુરક્ષા સુનિશ્ચિત કરવા માટે ઘરની અંદર રહેવા તમામ અનુરોધ કરી કચ્છીજનોએ બિનજરૂરી ‌બહાર નહીં નીકળીને વહીવટીતંત્રને સંપૂર્ણ સહયોગ આપવા અપીલ કરી હતી.