અહીંથી દવા ખરીદવી ફરજીયાત નથી તેવા બોર્ડ લગાવવા હોસ્પિટલોને આદેશ

ગુજરાતના ખાનગી હોસ્પિટલો દ્વારા ચલાવાતી ઉઘાડી લૂંટ બાબતે હવે તંત્ર એક્શનમાં આવ્યું છે. રાજ્યના ફૂડ એન્ડ ડ્રગ્સ વિભાગે પરિપત્ર જાહેર કરીને હોસ્પિટલોમાં ચાલતાં ઇન હાઉસ મેડીકલ સ્ટોર પર સાઈન બોર્ડ લગાવવા તાકીદ કરી છે અને “આ હોસ્પિટલના દર્દીઓએ અહીંથી દવા ખરીદવી ફરજીયાત નથી” તેવા સાઈન બોર્ડ પ્રસિદ્ધ કરવા સુચના આપી છે.

આપણે અનેક સ્થળોએ જોયું છે કે ખાનગી હોસ્પિટલોમાં દર્દીઓ અને તેના સગાઓને તે જ હોસ્પિટલોમાંથી દવા લેવાની ફરજ પાડવામાં આવે છે ત્યારે સરકાર હવે એક્શનમાં આવી છે. રાજ્યના ખોરાક અને ઔષધ નિયમન તંત્રના કમિશનરે ખાનગી હોસ્પિટલોને પરિપત્ર જાહેર કરીને દર્દીઓને ફાયદો થાય તેવો આદેશ કર્યો છે.  કમિશનર એચ.જી.કોશિયાએ હોસ્પિટલોમાં ચાલતાં ઇન હાઉસ મેડીકલ સ્ટોર પર સાઈન બોર્ડ લગાવવા તાકીદ કરી છે અને આદેશ આપ્યો છે કે  દરેક હોસ્પિટલે પોતાના ઇન હાઉસ મેડિકલ સ્ટોરની બહાર “આ હોસ્પિટલના દર્દીઓએ અહીંથી દવા ખરીદવી ફરજીયાત નથી” તેવા સાઈન બોર્ડ પ્રસિદ્ધ કરવા. 

ઉલ્લેખનિય છે કે જેનરિક દવાઓ સામાન્ય રીતે સસ્તી હોય છે અને ખાનગી હોસ્પિટલોમાં આ જ દવાઓ મોંઘી મળતી હોય છે ત્યારે દર્દીઓ અને તેમના સ્વજનોને સરકારના આ નિર્ણયથી ફાયદો થશે.