અમદાવાદના ચાંદખેડામાં ભયાનક અકસ્માત

અમદાવાદના ચાંદખેડા વિસ્તારમાં આજે સવારે ભયાનક અકસ્માત સર્જાયો છે. AMTS બસ સ્ટેન્ડ પાસે ઉભેલી બસમાં એકાએક  SUV કાર પાછળથી ઘૂસી ગઈ છે. જેના કારણે કારનો કચ્ચરઘાણ નીકળી ગ્યો છે. આ ગોઝારા અકસ્માતમાં એક વ્યક્તિનું મોત નીપજ્યું છે.આ અકસ્માત બાદ બસ ડ્રાઇવર નજીકના પોલીસ સ્ટેશન પહોંચી ગયા હતા. આ અકસ્માત અંગેની જાણ થતાં સ્થાનિક પોલીસ અને ફાયરની ટીમ ઘટના સ્થળે પહોંચીને આગળની કાર્યવાહી હાથ ધરી છે.
 
આ અકસ્માત બાદ સ્થાનિક લોકોના ટોળેટોળા ત્યાં આવી પહોંચ્યા હતા. જેના કારણે રસ્તા પર ટ્રાફિકના દૃશ્યો પણ સર્જાયા હતા.આ ગોઝારા અકસ્માત બાદ બસ ડ્રાઇવરે પોલીસને આપેલી માહિતી પ્રમાણે, બસ નં TCM 41 ચાંદખેડા બસ સ્ટેન્ડ પર પ્રવાસી લેવા ઉભી હતી. ત્યારે પાછળથી સ્પીડમાં આવતી કારના ચાલકે ભૂલથી ઉભેલી બસને પાછળથી અથડાવી હતી. આ કારમાં બેસેલા લોકોને ગંભીર ઇજા પહોંચતા 108 મારફતે હોસ્પિટલ મોકલાયા છે.