જન્મના પ્રમાણપત્રમાં નોંધાયેલ તારીખ જ માન્ય:ગુજરાત હાઇકોર્ટ

રાજ્યમાં હવે આધાર કાર્ડ પાનકાર્ડ અને ડ્રાઇવિંગ લાઇસન્સ જેવા સરકારી રેકર્ડમાં દર્શાવેલ જન્મ તારીખ સંપૂર્ણ માન્ય રહેશે નહીં અને જન્મના પ્રમાણપત્રમાં નોંધાયેલ તારીખ જ માન્ય ગણાશે તેવો મહત્વનો ચૂકાદો ગુજરાત હાઇકોર્ટે આપ્યો છે. હવે જન્મ-મરણ નોંધણીના રજીસ્ટરની તારીખ માન્ય ગણાશે.

જન્મના પ્રમાણપત્રમાં સુધારાને લઈને ગુજરાત હાઇકોર્ટનો મહત્વનો ચુકાદો આવ્યો છે. જન્મના પ્રમાણપત્રમાં સુધારાને લઇને ચાલી રહેલી સુનાવણીમાં ગુજરાત હાઇકોર્ટે આ ચૂકાદો આપ્યો હતો. હવેથી જન્મ-મરણ નોંધણીના રજીસ્ટરની તારીખ માન્ય ગણાશે અને જન્મના દાખલામાં ગુજરાત હાઇકોર્ટે તારીખ સુધારાની અરજી ફગાવી દીધી છે. 

જન્મ-મરણની નોંધણીના રજીસ્ટરમાં નોંધાયેલ તારીખ માન્ય તારીખ ગણાશે. જો કે, અન્ય પુરાવાઓમાં લખાયેલ તારીખો ફોર્મ ભરનાર વ્યક્તિ ભરે છે, પરંતુ હોસ્પિટલના રેકર્ડ પ્રમાણે જન્મની નોંધણીમાં નોંધાયેલ તારીખ એ જ સાચી તારીખ ગણી શકાય. જો કે આ વાત સાચી પણ છે. હોસ્પિટલો દ્વારા આપમાં આવેલી જન્મ તારીખ જ માન્ય ગણાય બીજા ડોક્યુમેન્ટમાં સુધારા વધારા થયા હોય તેવી સંભાવનાઓ હોઈ શકે છે. આધાર કાર્ડ પાનકાર્ડ અને ડ્રાઇવિંગ લાઇસન્સ જેવા સરકારી રેકર્ડમાં દર્શાવેલ જન્મ તારીખ સંપૂર્ણ માન્ય રહેશે નહીં  હવે આધાર, પાન, લાયસન્સમાં કરાવામાં આવતા સુધારા અંગે લોકોને વિચારવું પડશે.જો આ ડોક્યુમેન્ટમાં લખેલ તારીખ જન્મના પ્રમાણપત્ર પ્રમાણે હોવું અનિવાર્ય બની જશે.