Breking : તૈયાર થઇ જાઓ, ગૌણ સેવા મંડળે વધુ એક પરીક્ષાની તારીખ કરી જાહેર...

ગુજરાત ગૌણ સેવા પસંદગી મંડળ (GPSSB) દ્વારા નાણાં વિભાગના વિવિધ પદો માટેની પરીક્ષાઓની તારીખો જાહેર કરવામાં આવી છે. આ જાહેરાત 266 ખાલી જગ્યાઓ માટે મુખ્ય પરીક્ષાના આયોજનને લઈને કરવામાં આવી છે, જેમાં નાણાં વિભાગના નિયામક, પેટા હિસાબનીશ, સબ ઓડીટર, હિસાબનીશ, ઓડીટર અને પેટા તિજોરી અધિકારી (હિસાબનીશ)/અધિક્ષકના પદો માટે પરીક્ષા યોજાશે.

પરીક્ષા માટેના મહત્વના ડેટા...

મંડળે જણાવ્યા મુજબ આ મુખ્ય પરીક્ષાઓ 18 અને 19 ફેબ્રુઆરી 2025ના રોજ યોજાશે. તે માટે આ પદ માટે લાયક ઉમેદવારો દ્વારા મંજૂર અરજીની પ્રક્રિયા પૂર્ણ કરી લીધી છે. હવે ઉમેદવારો માટે પરીક્ષાના વિગતવાર શેડ્યૂલ અને કોલ-લેટર ડાઉનલોડ કરવા માટેની સૂચનાઓ ટૂંક સમયમાં મંડળની અધિકૃત વેબસાઇટ પર ઉપલબ્ધ થશે.

ઉમેદવારો માટે મહત્વની માહિતી...

કોલ-લેટર ડાઉનલોડ કરવા માટે ?

પરીક્ષાનો વિગતવાર કાર્યક્રમ તથા કોલ-લેટર ડાઉનલોડ કરવા અંગેની સૂચનાઓ મંડળની વેબસાઈટ ઉપર જાહેર કરવામાં આવશે. જેથી ઉમેદવારોએ સમયાંતરે મંડળની વેબસાઈટ https://gsssb.gujarat.gov.in જોતાં રહેવા ગૌણ સેવા પસંદગી મંડળે જણાવ્યું છે.