થાનના મગફળીના ગોડાઉનમાં આગ : લાગી કે લગાવાઇ?

સુરેન્દ્રનગર જિલ્લામાં મગફળીના ગોડાઉનમાં ભીષણ આગ લાગવાની ઘટના સામે આવી છે. પ્રાથમિક માહિતી અનુસાર, આ FCI ગોડાઉનમાં ટેકાના ભાવે મગફળીની ખરીદી કરી મૂકવામાં આવી હતી. આ આગની ઘટના માં  આશરે 50,000 કિલો કરતા પણ વધુારેની મગફળી બળીને ખાખ થઈ ગઈ છે. આ આગમાં ખેડૂતો પાસેથી ટેકાના ભાવે ખરીદી કરીને મુકવામાં આવેલી અદાજે કરોડો રૂપિયાની મગફળી બળી ગઈ છે.

આગની ઘટનાની જાણ થતા આગ પર કાબૂ મેળવવા માટે, થાનગઢ અને ચોટીલા ફાયર બ્રિગેડની ટીમો અને જેસીબી સહિતના સાધનો વડે ગોડાઉનની દિવાલ અને શટરો તોડી આ આગ પર કાબૂ મેળવવાનો પ્રયાસ કરવામાં આવ્યો હતો. મળતી માહિતી પ્રમાણે આશરે બે કલાકની ભારે જહેમત પછી આ આગ પર કાબૂ મેળવવામાં સફળતા મળી હતી. પરંતુ મળતી મહિતી પ્રમાણે ફરી ગોડાઉનમાં આગ ભભુકી ઉઠી છે. જેને કારણે ફાયર વિભાગની વધારે ગાડીઓ બોલાવવાની જરુર પડી છે. હાલ ઘટના સ્થળે ફાયર વિભાગની 10 વધારે ગાડીઓ ધટના સ્થળે હાજર છે. આગ એટલી વિકરાળ છે કે જરુર પડ્યે વધારે ગાડીઓ બોલાવવાની ફરજ પડી શકે તેમ છે. 

જ્યારે આગની ઘટના બની ત્યારે સવારનો સમય હોવાથી ગોડાઉનમાં કોઈ હાજર ન હતું, તેથી કોઈ જાનહાનીની ઘટના ટળી ગઈ હતી.  ઘટનાની ગંભીરતા નક્કી કરવા માટે મામલતદાર અને અધિકારીઓની ટીમે ઘટના સ્થળે પહોંચી વધુ તપાસ શરૂ કરી છે.

મામલતદાર એન.આર. પટેલે જણાવ્યું હતું કે, આ ગોડાઉનમાં ટેકાના ભાવે ખરીદી કરેલી મગફળીનો જથ્થો હતો, અને આ ઘટનાના પગલે ફાયર ફાઇટર્સ દ્વારા આગ પર કાબૂ મેળવવા માટે વ્યવસ્થા હાથ ધરવામાં આવી હતી. તેઓએ કહ્યું કે, આ ગોડાઉનમાં કુલ કેટલો જથ્થો હતો અને કેટલાનું નુકસાન થયું, એ તો ગોડાઉન મેનેજરના આવ્યા પછી જ સ્પષ્ટ પણે જાણી શકાશે.

આ આગની ઘટના અંગે રાજુ કરપાડાએ નારાજગી વ્યક્ત કરતા જણાવ્યું હતું કે, આ આગ થકી મગફળી ખરીદીમાં ચાલતા કૌભાંડને ઢાંકવાનો પ્રયત્ન હોય શકે છે. તેમણે આકરા શબ્દોમાં કહ્યું કે "આ આગ લાગી છે કે પછી જાણીજોઈને લાગવામાં આવી છે?" અને એમણે પ્રશ્ન ઉઠાવ્યો કે, સરકારે મગફળીની ખરીદી કરીને રાખેલા ગોડાઉનમાં જ કેમ આગ લાગી રહી છે.?

રાજુ કરપાડાના શબ્દોએ ક્યાકને ક્યાક લોકોના મનમાં શંકા ઉત્પન કરી છે કે શું ખરેખર સરકાર દ્વારા ટેકાના ભાવે મગફળીની ખરીદીમાં કોઈ ગેરરીતી કરવામાં આવી છે, આ પહેલા પણ એક મગફળીના ગોડાઉનમાં આગ લાગી હતી અને આગ બાદ ત્યાંથી કચરો સાફ કરવા સમયે મગફળી કરતા વધારે ધુળ અને ઢેફા નિકળ્યા હતા, અને જોગાનું જોગ એ મગફળીની પણ ટેકાના ભાવે ખરીદી કરવમાં આવી હતી. ત્યારે પ્રશ્ન એ ઉદ્ભવે છે કે શું સુરેન્દ્ર નગરના આ ગોડાઉનમાં લાગેલી આંગ ક્યાકને ક્યાક કૌભાડ છુપાવાવતો નથી લગાવાવમાં આવીને. એતો હવે આવનારો સમય જ સાબીત કરશે. અત્યારે તો આકસ્મિક આગ લાગી હોવાનું માનીને તપાસ કરવામાં આવી રહી છે.