સુરતમાં ગૃહ રાજ્ય મંત્રી હર્ષ સંઘવીના ઘરની સામે આવેલા લક્ઝુરીયસ ફ્લેટમાં વિકરાળ આગ

સુરતમાં વેસુમાં ગૃહ રાજ્ય મંત્રી હર્ષ સંઘવીના ઘરની સામે આવેલા લક્ઝુરીયસ ફ્લેટમાં વિકરાળ આગ લાગી હોવાના સમાચાર મળી રહ્યા છે. સુરતના વેસુના હેપ્પી એક્સલેન્સિયાના 7મા માળે લાગેલી આગ 3 માળ સુધી ફેલાઈ છે.  આગ પળવારમાં ઉપરના અન્ય 2 માળ સુધી પ્રસરી ગઇ છે. આગના કારણે સ્થાનિક રહીશોમાં ગભરાટ ફેલાઇ ગયો હતો અને લોકોએ દોડધામ કરી મુકી છે. આગના પગલે સુરત ફાયર બ્રિગેડની ટીમો તુરતજ સ્થળ પર પહોંચી છે અને આગ બુઝાવાની કામગિરી શરુ કરી છે. મળેલી માહિતી મુજબ આગ બુઝાવતી વખતે એક ફાયરમેન પણ દાઝ્યો છે. વેસુ વિસ્તારમાં હેપ્પી એક્સલેન્સીયા રેસીડેન્સી નામની બિલ્ડીંગમાં આ આગ લાગી છે

ફાયર બ્રિગેડના 10થી વધુ  ફાયર ફાયટર અત્યારે સ્થળ પર છે. ગૃહ રાજ્ય મંત્રી હર્ષ સંઘવી પણ તત્કાળ સ્થળ પર પહોંચ્યા છે અને તેઓ ઘટના પર નજર રાખી રહ્યા છે. ફાયર બ્રિગેડે તત્કાળ ત્યાં રહેતા લોકોને સલામત સ્થળે રેસ્કયુ કરી દીધા છે

હાલ ફાયર વિભાગના જવાનો દ્વારા પાણીનો મારો ચલાવીને આગ પર કાબુ મેળવવાનો પ્રયાસ કરવામાં આવી રહ્યો છે.