સુરેન્દ્રનગર જિલ્લાના રણોલ ગામમાં 3 મકાનમાં આગ, 4ના મોત

સુરેન્દ્રનગર જિલ્લાના રણોલ ગામમાં રહેણાંક વિસ્તારમાં 3 મકાનમાં લાગેલી આગમા 4ના મોત થયા હોવાની અરેરાટીભરી ઘટના બની છે. આગના કારણે ગામમાં અફરાતફરીનો માહોલ સર્જાયો હતો. મૃતકોમાં એક મહિલા અને 1 બાળકનો પણ સમાવેશ થાય છે.

મળલી માહિતી મુજબ લીંબડી તાલુકાના રણોલ ગામમાં મસ્જિદ પાસે 3 મકાનોમાં આગ લાગવાની ઘટના બની છે. આ આગ એક મકાનમાંથી ત્રણ મકાન સુધી પ્રસરી ગઇ હતી જેમા આગે વિકરાળ રુપ ધારણ કર્યું હતું. આગના પગલે ગામના લોકોમાં નાસભાગ મચી ગઇ હતી અને આગને બુઝાવવા માટે પાણીનો મારો ચલાવાની સાથે ફાયર બ્રિગેડને પણ જાણ કરી હતી. 

આગના કારણ એક મહિલા અને એકબાળક સહિત 4 લોકોના મોત થયા હોવાનું અનુમાન છે. આગ એટલી ઝડપે ફેલાઇ ગઇ હતી કે ઘરની બહાર પાર્ક કરાયેલું એક વાહન પણ આગની ઝપેટમા આવી ગયું હતું. ઘટનાના પલે ફાયર બ્રિગેડ સ્થળ પર પહોંચ્યું હતું અને પાણીનો મારો ચલાવીને આગને કાબુમાં લઇ લીધી હતી. લીંબડી, સુરેન્દ્રનગર અને વઢવાણ ફાયર બ્રિગેડના લાશ્કરો સ્થળ પર પહોંચ્યા અને મહામહેનતે આગને કાબુમા લઇ લીધી હતી. હજું પણ ઘરમાં મૃતદેહો હોવાની આશકા છે. પ્રાથમિક તપાસમાં જ્વલનશીલ પદાર્થના કારણે આગ લાગી હોવાનું અનુમાન છે.