સુરતમાં સુમુલનું ડુપ્લીકેટ ઘી વહેંચવાનું કૌભાંડ

સુરતમાં સુમુલ ડેરીના નામે નકલી ઘી વેચવાનું કૌભાંડ ઝડપાયું, સુમુલ ઘીના ડબ્બામાં ડુપ્લીકેટ ઘી ભરી ગ્રાહકોને છેતરવામાં આવતા હતા. સુરતમાં સુમુલ ડેરી બ્રાન્ડના નામનો દૂર ઉપયોગ કરીને ગ્રાહકોને ઓછી ગુણવત્તાવાળું ડુપ્લિકેટ ઘીનુ વેચાણ કરતા બે પ્રાઇમ સ્ટોરમાં પાલિકા દ્વારા દરોડા પાડવામાં આવ્યા હતા. જેમાં આ બંને પ્રાઇમ સ્ટોર પરથી 71 જેટલા સુમૂલના નકલી ઘીના ડબ્બા મળી આવ્યા હતા. ઉલ્લેખનીય છે કે, ગતરોજ અડાજણ વિસ્તારમાંથી ઘી વેચતા એકની ધરપકડ કરવામાં આવી હતી.

 

સુરત મહાનગરપાલિકાના ફૂડ સેફ્ટી ઓફિસર બી.કે. પટેલે જણાવ્યું હતું કે, સુમુલ ઘીના નકલી ડબ્બાઓ બનાવીને ઘીનું વેચાણ કરવામાં આવે છે તેવી ફરિયાદ મળી હતી. જેમાં બંને સ્ટોરમાંથી નકલી ઘીના 71 જેટલા ડબ્બાઓ મળી આવ્યા હતા. પાલિકા દ્વારા આ તમામ સુમૂલના ડબ્બાઓને કબ્જે લેવામાં આવ્યા છે અને સેમ્પલ તરીકે લેવામાં આવ્યા છે. આ પૃથક્કરણ બાદ આગળની કાર્યવાહી હાથ ધરવામાં આવશે. ઉલ્લેખનીય છે કે, સુમુલ ડેરી દ્વારા બનાવવામાં આવતા શુદ્ધ ઘીના જે પતરાના ડબ્બા હોય છે તે જ પ્રકારના ડબ્બા બનાવવામાં આવ્યા હતા. આ મામલે હવે કડક કાર્યવાહી કરવામાં આવશે