મહાકુંભ વિશે ઉદ્યોગપતિ વસંત ગજેરાની વિવાદીત ટિપ્પણી

સુરતના જાણીતા ઉદ્યોગપતિ વસંત ગજેરાનું વિવાદીત નિવેદન સોશિયલ મીડિયામાં વાયરલ થયું છે. આ વીડિયોમાં વસંત ગજેરા એવું બોલતા સંભલાય છે કે કરોડો લોકો નહાવા જાય છે , ત્યાં કંઇ છે નહીં, ભગવાન નથી...મહાકુંભ સાથે જોડીને ગજેરાનું આ નિવેદન હાલ સોશિયલ મીડિયામાં વાયરલ થઇ રહ્યું છે.

જાણીતા ઉદ્યોગપતિ અને અમરેલીના વતની વસંત ગજેરા આ વાયરલ વીડિયોમાં કોઇની સાથે વાત કરી રહેલા જણાય છે. હિન્દીમાં તેઓ સામેની વ્યક્તિને કહેતા સંભળાય છે કે આજે કરોડો લોકો નહાવા માટે જઇ રહ્યા છે, તે વેસ્ટ ઓફ ટાઇમ છે.મારા હિસાબે ત્યાં કશું જ નથી. ત્યાં કશું જ નથી. ભગવાન નથી

વસંત ગજેરાએ આ પ્રકારનું વિવાદીત નિવેદન કરીને વિવાદનો મધપૂડો છેડ્યો છે. હાલ દેશ વિદેશના કરોડો લોકો આસ્થા સાથે મહાકુંભમાં સ્નાન કરવા જઇ રહ્યા છે ત્યારે વસંત ગજેરાનું આ નિવેદન ચર્ચામાં આવી ગયું છે. જો કે આ વીડિયો ક્યાંનો છે તે જાણી શકાયું નથી અને બેનિફીટ ન્યુઝ આ વીડિયોનું પુષ્ટી કરતું નથી પણ જે લોકો મહાકુંભમાં આસ્થા સાથે ડૂબકી લગાવા જઇ રહ્યા છે તેમની આસ્થાને આ નિવેદનથી ઠેસ પહોંચશે તે નક્કી છે.