ભારતીય ક્રિકેટ ટીમના ફાસ્ટ બોલર જસપ્રીત બુમરાહે 26 જાન્યુઆરીએ અમદાવાદમાં કોલ્ડપ્લેના કોન્સર્ટમાં ભાગ લીધો હતો. પીઠની ઈજાના કારણે ટીમની બહાર રહેલા બુમરાહ કોન્સર્ટમાં ખુબ જ મસ્તી કરતો જોવા મળ્યો હતો. જયારે કોલ્ડપ્લેના લીડ સિંગર ક્રિસ માર્ટિને બુમરાહનું નામ ઓડિયન્સમાં લીધું, ત્યારે ચાહકોનો જોશ જોવા જેવો હતો. બ્રિટિશ બેન્ડે ભારતીય ફાસ્ટ બોલર માટે કેટલીક લાઈનો પણ ગાઈ હતી, જેનો વીડિયો સોશિયલ મીડિયામાં વાયરલ થઈ રહ્યો છે.
બુમરાહ માટે સ્પેશિયલ સોંગ ગાયું
કોન્સર્ટમાં બ્રિટિશ બેન્ડે બુમરાહનું ઉષ્માભર્યું સ્વાગત કર્યું અને તેના માટે કેટલીક લાઈનો ગાઈ. બેન્ડે મજાકમાં કહ્યું કે, "તમે જ્યારે એક પછી એક ઈંગ્લેન્ડની વિકેટ લો છો ત્યારે અમને ગમતું નથી." કોલ્ડપ્લેના લીડ સિંગરે ગાયું, "ઓ જસપ્રીત બુમરાહ, મારા ભાઈ. ક્રિકેટ જગતમાં સૌથી શ્રેષ્ઠ બોલર. ઇંગ્લેન્ડ સામે એક પછી એક તમારી વિકેટ જોઈને અમને મજા નથી આવતી."
સ્ટેજ પર સિંગરે બુમરાહની સહી કરેલી જર્સી બતાવી હતી
કોલ્ડપ્લેએ અમદાવાદમાં બુમરાહના સન્માનમાં મંચ પર તેની સહી કરેલી ટેસ્ટ જર્સી પ્રદર્શિત કરી હતી. આ પહેલીવાર નથી જ્યારે કોલ્ડપ્લેએ ભારતના કોન્સર્ટમાં બુમરાહનો ઉલ્લેખ કર્યો હોય. અગાઉ, મુંબઈમાં યોજાયેલા શો દરમિયાન બેન્ડે 2024 ટેસ્ટ સિરીઝમાં ઇંગ્લેન્ડની બેટિંગ લાઇન-અપ સામે બુમરાહનો વીડિયો ચલાવ્યો હતો.
મુંબઈમાં પણ બુમરાહના નામની બૂમો પડી હતી
તે જ શોમાં, ક્રિસ માર્ટિને મજાક કરતા કહ્યું હતું કે, "કોન્સર્ટ દરમિયાન બુમરાહના નામનો ઉપયોગ કરવા માટે અમને બુમરાહના વકીલોથી કાનૂની નોટિસ મળી હતી." માર્ટિને, કાલ્પનિક લેટર વાંચતા કહ્યું હતું, "હું ખૂબ જ દિલગીર છું, પરંતુ મારે જસપ્રીત બુમરાહના વકીલનો લેટર વાંચવો છે. મારે આ કરવું પડશે, કારણ કે નહીં તો અમને જેલ થઈ શકે છે અને અમે અમદાવાદમાં પર્ફોર્મ કરી શકીશું નહીં."
બુમરાહની કોન્સર્ટમાં હાજરી
તેમણે શો દરમિયાન અનેક હાસ્ય પ્રસંગો કર્યા બાદ બુમરાહ પોતે કોન્સર્ટમાં પહોંચ્યો. 26 જાન્યુઆરીનો શો હોટસ્ટાર પર લાઈવ સ્ટ્રીમ કરવામાં આવ્યો હતો, અને બુમરાહને ટીવી પર લાઈવ જોઈને ભારતીય ક્રિકેટ ચાહકો આનંદથી ઊછળી પડ્યા હતા. બુમરાહે પણ કોન્સર્ટની મજા માણી હતી અને ચાહકોથી ભરેલા નરેન્દ્ર મોદી સ્ટેડિયમના વાતાવરણને પણ માણ્યું હતું.
&nbsp;

મરાહ માટે ગાયું સ્પેશિયલ સોંગ

જસપ્રિત માટે સ્પેશિયલ સોંગ ગાયું તો સ્ટેડિયમ ગુંજી ઊઠ્યું, સિંગરે કહ્યું- ક્રિકેટ જગતમાં સૌથી બેસ્ટ બોલર

January 27, 2025 | 11:37 IST