ગુજરાત સરકારે રાજ્યની મહાનગરપાલિકાઓ માટે મુખ્યમંત્રી ગ્રીન રિંગ રોડ વિકાસ યોજનાની SOP જાહેર કરી છે, જેનો હેતુ શહેરી પરિવહનને સુવ્યવસ્થિત કરવાનો અને પર્યાવરણને અનુકૂળ ઈન્ફ્રાસ્ટ્રક્ચરનું નિર્માણ કરવાનો છે. આ યોજના માટે 200 કરોડનું બજેટ ફાળવવામાં આવ્યું છે, જેનો મુખ્ય ઉદ્દેશ્ય શહેરોના કેન્દ્રમાંથી ટ્રાફિકનું ભારણ ઘટાડવા માટે ગ્રીન રિંગ રોડ વિકસાવવાનો છે. આ રોડ શહેરના વિવિધ ભાગો વચ્ચે ઝડપી કનેક્ટિવિટી પૂરી પાડશે, જેથી લોકોને મુખ્ય શહેરના ટ્રાફિકમાં પ્રવેશ્યા વિના અવરજવર કરવાની સુવિધા મળશે. આ યોજનામાં અદ્યતન અને સ્માર્ટ ટેકનોલોજીનો ઉપયોગ કરીને ટ્રાફિકનું નિયંત્રણ અને વ્યવસ્થાપન કરવામાં આવશે.
કન્સ્ટ્રક્શન ટેકનોલોજી અને સામગ્રીનો ઉપયોગ
આ યોજનાને સફળ બનાવવા માટે, અગ્ર સચિવની અધ્યક્ષતામાં એક વિશેષ એડવાઈઝરી કમિટીની રચના કરવામાં આવી, જેમાં અનુભવી અને કુશળ નિષ્ણાતોનો સમાવેશ થાય છે. આ કમિટીની ભલામણોને આધારે, રોડ નિર્માણમાં આધુનિક, ગ્રીન-ક્લીન કન્સ્ટ્રક્શન ટેકનોલોજી અને સામગ્રીનો ઉપયોગ કરવા પર ભાર મૂકવામાં આવ્યો છે.
આ પણ વાંચો: <a href="https://www.benefitnews24.com/gujarati/gujarat/terror-of-truck-drivers-in-ahmedabad--elderly-couple-dies-after-being-hit-by-truck-on-vastral-ring-road/3856" target="_blank" rel="noopener">અમદાવાદમાં ટ્રક ચાલકોનો આતંક, વસ્ત્રાલ રિંગ રોડ પર ટ્રકની અડફેટે વૃદ્ધ દંપતીનું મોત</a>
કુલ મટિરિયલના 25% રિસાયકલ મટિરિયલ
આ યોજના હેઠળ નિર્માણ થનારા ગ્રીન રિંગ રોડમાં, નવીન સંસાધનો પરની નિર્ભરતા ઘટાડવા અને સર્ક્યુલર ઈકોનોમીને વેગ આપવા માટે કુલ મટિરિયલના 25% રિસાયકલ કરેલા મટિરિયલનો ઉપયોગ કરવાની પ્રાથમિકતા આપવામાં આવી છે. આ ઉપરાંત, મહત્તમ રિન્યુએબલ એનર્જીનો ઉપયોગ થાય તેવું આયોજન કરવા મહાનગરપાલિકાઓને સૂચન પણ કરવામાં આવ્યું છે.આ યોજના માત્ર પરિવહનને સરળ બનાવશે એટલું જ નહિ, પરંતુ શહેરોની સુંદરતા અને પર્યાવરણને પણ સુધારશે.
સસ્ટેનેબલ ઈન્ફ્રાસ્ટ્રક્ચરના નિર્માણ પર ધ્યાન
ક્લાઈમેટ રિઝિલિઅન્ટ અને સસ્ટેનેબલ ઈન્ફ્રાસ્ટ્રક્ચરના નિર્માણ પર ધ્યાન કેન્દ્રિત કરીને, ગ્રીન રીંગ રોડમાં કેરેજ-વે, મીડિયન, શોલ્ડર્સ, ડ્રેનેજ, વરસાદી પાણીનું વ્યવસ્થાપન, રોડ યુટિલિટીઝ, વૃક્ષારોપણ, ટ્રાફિક વ્યવસ્થાપન અને રોડ સલામતી સુવિધાઓનો સમાવેશ કરવામાં આવ્યો છે. આ યોજનાનું અમલીકરણ રાજ્ય સરકારની માર્ગદર્શિકા અને SOP મુજબ કરવામાં આવશે, અને પ્રોજેક્ટના ડી.પી.આર.ની ટેકનિકલ અને પર્યાવરણીય સમીક્ષા પણ કરવામાં આવશે.&nbsp;

ગ્રીન રિંગ રોડ વિકાસ યોજના

સરકારે મુખ્યમંત્રી ગ્રીન રિંગ રોડ વિકાસ યોજના માટે 200 કરોડની ફાળવણી કરી

September 24, 2025 | 16:32 IST