ચેરનું વૃક્ષ : ગ્રેટ ગ્રીન વોલ

    ગુજરાતને આશરે 1600 કિલોમીટર લાંબો દરિયા કિનારો મળ્યો છે, ચોમાસામાં વરસાદને કારણે નદીઓના ઘસમસતા આવતા પૂરથી દરિયા કિનારાના ધોવાણની સમસ્યા રહે છે. ત્યારે તેના કાયમી નિકાલ માટે સરકાર અને સેવાભાવી સંસ્થાઓ દ્વારા દરિયાના પટમાં ગ્રેટ ગ્રીન વોલ એટલે કે ચેરના વૃક્ષોની દિવાલ બનાવવામાં આવી રહી છે.    ગુજરાતને  દેશનો સૌથી મોટો એટલે કે 1600 કિમી લાંબો દરિયા કાંઠો મળ્યો છે, જેનો ગૂજરાતના વિકાસમાં મહત્વનો ફાળો છે. છેલ્લા કેટલાક વર્ષોથી દરિયાકાંઠે વધતી જતી ખારાશ અને દરિયો અંદર ધસી આવવાથી કાંઠાના જમીનોનું ધોવાણ આ બે  સમસ્યાઓ વિકટ બનતી જાય છે. ત્યારે ભરૂચ જીલ્લામાં  જંબુસર , વાગરા તાલુકાના દરિયા કાંઠાના વિસ્તારોમાં વિકાસ સંસ્થા દ્વારા 75 લાખ ઉપરાંત લાખ ચેરિયા , પીલુડી અને  ઊંટ મોરાડ જેવા ઝાડ વાવી અને ઉછેરીને  30 કિમી જેટલી લીલી દિવાલ ઊભી કરી જે દરિયા કાંઠાનું રક્ષણ કરી શકવા સક્ષમ છે.    યુનાઈટેડ નેશનનું  કન્વેંશન ઓન કલામેટ ચેન્જ (UNFCCC) દ્વારા તેની નોંધ લઇને આ પહેલ કરનાર વિકાસ સંસ્થાના નિયામક રાજેશ ભાઈ શાહ ને ઇમ્પેક્ટ મેકર તરિકે નવાજવામાં આવ્યા છે. ગુજરાતના 1600 કીમી દરીયા કિનારા માંથી 700 કીમી ઉપરાંત દરિયા કાંઠાનું ધોવાણ થઇ રહ્યું છે. કલાયમેટ ચેન્જના કારણે દરિયાની સપાટી વધતા આ સમસ્યા હજુ વિક્રાળ સ્વરુપ લઈ શકે તેમ છે.