ભુજ ખાતે ફ્રેન્ડ્સ ગ્રુપ દ્વારા છેલ્લા 25 વર્ષથી ગણપતિ ઉત્સવનું ભવ્ય આયોજન કરવામાં આવે છે. આ વર્ષે ટીનસીટી ગ્રાઉન્ડ ખાતે આયોજિત ગણપતિ મહોત્સવમાં 25 ફૂટની વિશાળ અને ઈકો-ફ્રેન્ડલી ગણપતિ પ્રતિમા ભક્તોમાં આકર્ષણનું કેન્દ્ર બની છે.
પૂંઠા, વાંસ, માટી અને ઘાસનો ઉપયોગ
પર્યાવરણનું ધ્યાન રાખીને આ પ્રતિમા પૂંઠા, વાંસ, માટી અને ઘાસનો ઉપયોગ કરીને તૈયાર કરવામાં આવી છે. મૂર્તિને રંગવા માટે વેજીટેબલ કલર્સનો ઉપયોગ કરાયો છે, જેથી તે સંપૂર્ણપણે પર્યાવરણને અનુકૂળ છે. ફ્રેન્ડ્સ ગ્રુપના આ "રાજા"ના દર્શન કરવા માટે મોટી સંખ્યામાં ભક્તો ઉમટી રહ્યા છે અને ધન્યતા અનુભવી રહ્યા છે.
દાનના ઉપયોગથી દર્દીઓની સારવાર
ગણપતિોત્સવ દરમિયાન ફ્રેન્ડ્સ ગ્રુપ માત્ર પૂજા-અર્ચના જ નહીં, પરંતુ સેવાકીય કાર્યો કરીને સમાજને એક અનોખો સંદેશ પણ આપી રહ્યું છે. ગણપતિ મહોત્સવમાં આવતા દાનનો ઉપયોગ ડાયાલિસિસના દર્દીઓની સારવારમાં મદદરૂપ થવા માટે કરવામાં આવે છે.&nbsp;
કટઆઉટ્સ, સેલ્ફી પોઈન્ટ પણ ઉપલ્બ્ધ
આ ઉપરાંત, આ વર્ષે "ઓપરેશન સિંદૂર" થીમ પર લોકોને અંગદાન વિશે જાગૃત કરવામાં આવી રહ્યા છે. આ થીમ હેઠળ કટઆઉટ્સ, સેલ્ફી પોઈન્ટ અને રેત શિલ્પ પણ તૈયાર કરવામાં આવ્યા છે, જે ભક્તોને અંગદાનનું મહત્વ સમજાવવામાં મદદરૂપ થઈ રહ્યા છે. આ રીતે, ફ્રેન્ડ્સ ગ્રુપનો આ ગણપતિ મહોત્સવ ધર્મ અને સમાજ સેવાનો સંગમ બની રહ્યો છે

ઈકો-ફ્રેન્ડલી ગણપતિની પ્રિતમા

ભુજમાં ફ્રેન્ડ્સ ગ્રુપ દ્વારા 25 ફૂટની ઈકો-ફ્રેન્ડલી ગણપતિ પ્રતિમાની સ્થાપના કરવામાં આવી

September 1, 2025 | 15:42 IST