કબરાઉ બાપુ ચારણ ઋષીના નિવેદનથી ખળભળાટ, સ્વામિનારાયણ સાધુઓ આતંકવાદી

સ્વામિનારાયણ સંપ્રદાયના સાધુઓ દ્વારા અવાર નવાર સનાતન ધર્મ અને હિન્દુ ધર્મના દેવી દેવતાઓ બાબતે કરાઇ રહેલી ટિપ્પણીઓ બાદ લોકોમાં તો રોષ જોવા મળી રહ્યો છે પણ હવે સંતો પણ મેદાનમાં આવ્યા છે. કચ્છ સ્થિત કબરાઉ મોગલ ધામના બાપુએ આ મામલે નિવેદન આપ્યું છે અને તેમણે સ્વામિનારાયણ સાધુઓને આતંકવાદી ગણાવતા ખળભળાટ મચી ગયો છે. તેમણે સાધુ સંતોને આ મામલે અનુષ્ઠાન કરવાનું આવ્હાહન આપ્યું છે અને જે સાધુએ બફાટ કર્યો છે તે શંકરાચાર્ય સામે માફી માગે અને કૃષ્ણ ભગવાન સામે લેખીતમાં માફી માગે તેવી માગ પણ કરી છે. તેમણે કહ્યું કે જ્યાં સુધી શંકરાચાર્યની સામે માફી ના માગે અખિલ બ્રહ્માંડના માલિક કૃષ્ણની આગળ લખાણ ના દે ત્યાં સુધી આને માફ નથી કરવાના

કબરાઉથી બાપુ ચારણ ઋષીનું  અક્ષરસ : હ નિવેદન અહીં પ્રસ્તુત છે

મા મોગલધામ કબરાઉથી બાપુ ચારણ ઋષીનો અવાજ છે કારણ હવે અમારે સંતોએ આગળ આવવાનું છે સમાજ તો છે જ પણ  વીડિયો એટલા માટે દઉં છું કે આજે આપણા સનાતન ધર્મને જે ધક્કો લગાવે છે આને હું આતંકવાદી કહું છું કારણ કે અખિલ બ્રહ્માંડના માલીકથી કોઇ મોટો છે જ નહીં. જેને જેને ગુણ ગાન ગાયા છે.. નેતી નેતી કીધું પણ આજ કાલની એસેમ્બલ કંપની..આને હું કંપની કહું છું. હરામનું ખાઇ ખાઇ જેમ આવે તેમ બફાટ કરે છે,  લખવા મંડ્યા શું એના ઘરનો ધંધો છે, કાયદો છે ...આને કોઇ કહેવાવાળું નથી. કારણ બાપુએ આદેશ કરી દીધો છે મા મોગલની કૃપાથી અને તમામ સાધુ સંતોને કહેવાઇ ગયું છે કે તમે હવે અનુષ્ઠાન માટે બેસી જાવ જ્યાં સુધી શંકરાચાર્યની સામે માફી ના માગે અખિલ બ્રહ્માંડના માલિક કૃષ્ણની આગળ લખાણ ના દે ત્યાં સુધી આને માફ નથી કરવાના.  બીજી વાત, અનુષ્ઠાનમાં સાધુ સંતોને નાના મોટા બધાએ બેસી જવાનું છે હું તમારા પહેલો છું અને હું બુધવારે બેસવાનો છું કારણ જરુર પડશે તો ધરમ માટે બાપુ ખપી જવા તૈયાર છે. અમારા હકમાં બે વસ્તુ છે. અમે તમને સુધારવાના છે અને લડાઇ કરીએ તો તલવાર પણ ઉપાડી જાણીએ કારણ અમારી મા એ પણ ખુદ યુદ્ધ કર્યું છે... ધર્મ માટે..એમ  બાપુનો આદેશ છે 18 વરણને કે પોતાની નાની લીટી મોટી કરવા બેઠા..હરામનું ખાઇ ખાઇને પૈસા દેવાનું બંધ કરો. આ કરોડો રુપિયાના મંદિરો બનાવે જેમ આવે તેમ બફાટ કરે છે કારણ ઇશ્વરથી મોટો દુનિયામાં કોઇ નથી. અને આ પોતાની એસેમ્બલ કંપની ચાલુ કરી દીધી છે મારે ધાર્મિક કામ છે એટલે મે લેટ રાખ્યું છે. સમય આવશે તો અનશન પણ બાપુ છોડી દેશે. સ્વામિનારાણ સંપ્રદાયના મંદિરમાં કે પછી મોગલધામના પટમાં બેસી જાય... દુનિયાને ખબર પડે કે ચારણ શું ચીજ છે...ચારણ ધારે તે કરી શકે છે. હું બોલતો નથી. આ 18 વરણ છે અને કૃષ્ણથી મોટા કોઇ નથી.

ઉલ્લેખનિય છે કે તાજેતરમાં સુરતના વેડરોડ વિસ્તારમાં આવેલા સ્વામિનારાયણ ગુરુકુળના સ્વામી નીલકંઠ ચરણ સ્વામીએ નિવેદન આપ્યું હતું કે “દ્વારકાપતિએ મહારાજને પ્રાર્થના કરી હતી કે જો તમે મોટું ધામ બનાવો, વિશાળ મંદિર બનાવો, તો મારી ઈચ્છા છે કે ત્યાં આવીને હું નિવાસ કરું.” સ્વામીના આ નિવેદનને આહીર સમાજે ઉગ્ર વિરોધ પ્રદર્શન કર્યું હતું.  સ્વામિનારાયણ સંપ્રદાયના ધાર્મિક ગ્રંથમાં ‘દ્વારકામાં ભગવાન ક્યાંથી હશે? ભગવાનનાં દર્શન કરવા હોય તો વડતાલ જાઓ,’ દ્વારકા અંગે આવું વિવાદાસ્પદ લખાણ લખ્યું હતું, જેને કારણે સનાતન ધર્મના અનુયાયીઓમાં ભારે રોષ ફેલાયો છે.