આનંદો.... આવી રહી છે પોલીસની 14,283 ખાલી જગ્યા માટેની ભરતી

ગુજરાત હાઈકોર્ટમાં પોલીસ વિભાગની ખાલી જગ્યા અને ભરતીની પ્રક્રિયા અંગે ગઈકાલે એટલે કે (14 ફેબ્રુઆરી) સુનાવણી ચાલી રહી હતી. આ મામલો 2019માં સુપ્રીમ કોર્ટના નિર્દેશો અનુસાર સુઓમોટો પિટિશન તરીકે દાખલ કરવામાં આવ્યો હતો, જેમાં અનેક મુદ્દાઓ પર ધ્યાન આપવું હતું, જેમ કે પોલીસની ટ્રેનિંગ, પોલીસની ખાલી જગ્યાઓ ભરવી, અને જાહેર મિલકતના નુકસાનને અટકાવવાની વિગતો.

સરકારના વકીલે કોર્ટમાં જણાવ્યું કે, 25,660 ખાલી જગ્યાઓમાંથી 11,000 જેટલી જગ્યાઓ માટે પહેલા ફેઝની ભરતી પૂર્ણ થવા માટે શારીરિક કસોટી ચાલી રહી છે. આ 10 લાખ ઉમેદવારોમાંથી 7.45 લાખ લોકોની શારીરિક કસોટી પૂર્ણ થઈ ગઈ છે, અને શારીરિક કસોટી માર્ચમાં પૂર્ણ થશે. આ પછી, મે 2025 સુધીમાં લેખિત પરીક્ષાઓ પૂર્ણ થશે અને પરિણામ જુલાઈ 2025માં જાહેર કરવામાં આવશે.

બીજા ફેઝની ભરતી માટે 14,283 ખાલી જગ્યાઓ પર ઓગસ્ટ અથવા સપ્ટેમ્બર 2025માં જાહેરાત બહાર પાડી જશે. આ ફેઝમાં 2026માં ભરતી પુરી થવાનું આયોજન છે.

કોર્ટના પ્રતિસાદમાં, રાજ્ય સરકારને ભાતિભાતી પોસ્ટની ભરતી માટે વિશિષ્ટ સમયરેખા અને નકશા પર કાર્ય કરવાની સૂચના આપી હતી.

ટ્રેનિંગ સેન્ટરોની પ્રગતિ:

હાઈકોર્ટને માહિતી આપવામાં આવી કે, હાલ રાજ્યમાં 5 ટ્રેનિંગ સેન્ટર કાર્યરત છે અને એક નવું સેન્ટર બનાવવામાં આવી રહ્યું છે. આ નવું ટ્રેનિંગ સેન્ટર 2026માં પૂર્ણ થશે, જેમાં 2500 જેટલા જવાનને ટ્રેનિંગ આપવામાં આવશે.

ખાલી જગ્યાઓની ભરીંગ પ્રક્રિયા:

6 ડિસેમ્બરની સુનાવણીમાં 3717 પોસ્ટ પૈકી 2 હજાર પોસ્ટ પ્રમોશનથી એક મહિનામાં ભરવાની વાત કરી હતી, પરંતુ છેલ્લા એક મહિનામાં માત્ર 1029 પોસ્ટ જ ભરી શકાઈ છે. પ્રમોશન માટે અનુભવી અને યોગ્ય ઉમેદવાર જોઈએ છે. PI મોટર ટ્રાન્સપોર્ટ, PSI વાયરલેસ, PSI મોટર ટ્રાન્સપોર્ટની જગ્યાઓ ભરી શકાઈ નથી. ASI રિઝર્વ પોલીસ ફોર્સમાં 854 ખાલી જગ્યા પૈકી માત્ર 49 ભરાઈ છે, રિઝર્વ ફોર્સ માટે પણ યોગ્ય ઉમેદવાર નથી. જ્યારે 166 બિનહથિયાર ધારી PI અને હથિયારધારી 41 PI માટે ખાતાકીય પ્રમોશન કમિટીએ GPSCને માગ મોકલી આપી છે. ફીડર કેડરમાં પૂરતા યોગ્ય ઉમેદવાર મળતા નથી.

આગામી સુનાવણી:

કોર્ટે વધુ સુનાવણી 11 એપ્રિલ 2025ના રોજ રાખી છે, જેમાં હાલની ભરતી પ્રક્રિયા અને આવનારા પગલાં અંગે સરકારને સ્પષ્ટ જવાબ આપવાનો અનુરોધ કરાયો છે.