અજબ પ્રેમ કી ગજબ કહાની

6 મહિના પૂર્વે પરિવારના સપોર્ટ થી ફિલિપાઇન્સ પહોંચી યુવતી જોડે કોર્ટ એન ત્યાંના રીતી રીવાજ મુજબ લગ્ન કર્યા : હવે અંકલેશ્વર માં વિદેશી વહુ ને લાવી ને પુનઃ હિન્દૂ રીતિ રિવાજ મુજબ લગ્ન કર્યા : અંકલેશ્વરના પિન્ટુ પ્રસાદ અને ફિલિપાઇન્સ ની લીંબાજેનની અજબ જોડીમાં સૌ કોઈએ વધાવી    ફેસબુક પરિચય થયા બાદ અંકલેશ્વર શહેરના સંજય નગરનો યુવક ફિલિપાઈન્સ યુવતી પ્રેમ માં પડ્યો હતો. 6 મહિના પૂર્વે પરિવાર ના સપોર્ટ થી ફિલિપાઇન્સ પહોંચી યુવતી જોડે કોર્ટ એન ત્યાંના રીતી રીવાજ મુજબ લગ્ન કર્યા હતા. હવે અંકલેશ્વરમાં વિદેશી વહુને લાવી ને પુનઃ હિન્દૂ રીતિ રિવાજ મુજબ લગ્ન કર્યા હતા. અંકલેશ્વર ના પિન્ટુ પ્રસાદ અને ફિલિપાઇન્સની લીંબાજેન ની અજબ જોડી માં સૌ કોઈએ વધાવી હતી.    અજબ પ્રેમની ગજબ કહાનીની જેવી ફિલ્મ લવ સ્ટોરી નો કિસ્સો અંકલેશ્વર માં સામે આવ્યો છે. રસપ્રદ વાત એ છે કે આ લવસ્ટોરીમાં ફિલિપાઇન્સની એક યુવતી અંકલેશ્વરના યુવક સાથે લગ્ન કરવા ભારત આવી હતી. એટલું જ નહીં વિદેશમાં ઉછરેલી આ યુવતીને ભારતીય સંસ્કૃતિ પ્રત્યે ખૂબ જ લગાવ હતો જેને ભારતીય સંસ્કૃતિ અનુસાર લગ્ન કર્યા છે. અંકલેશ્વર સંજય નગર માં રહેતા અને શાકભાજી વિક્રેતા ના સામાન્ય પરિવારના યુવાન પિન્ટુ પ્રસાદની નજર બે વર્ષ પૂર્વે ફેસબુક માં સર્ફિંગ દરમિયાન એક વિદેશી યુવતી પર ઠરી હતી. સુંદર દેખાવડી યુવતીને ફ્રેન્ડ રિકવેસ્ટ મોકલી તે એક્સેપ્ટ થઇ હતી.આ યુવતી પિન્ટુના દિલમાં ઘર કરી ગઈ હતી. બંનેની ઓનલાઇન વાતચીત શરૂ થઇ હતી અને મિત્રતા ક્યારે પ્રેમ માં પરિવર્તિત થઇ ગઈ તેની બંને ને ખબર ન પડી. આખરે બંને એક થવાનું નક્કી કર્યું પણ દેશના સીમાડાઓ આડે આવ્યા હતા. અલગ સંસ્કૃતિ અલગ દેશ અને અપરિચિત લોકોના કારણે પ્રસાદ પરિવાર પુત્રના પ્રેમને સ્વીકારવામાં ખચકાટ અનુભવતું હતું. બે વર્ષની જહેમત બાદ પિન્ટુ તેની પ્રેમિકા લીંબાજેન માગડાઓ ( LIMBAJANE MAGDAO ) ને પત્ની તરીકે સ્થાન અપાવવા સફળ થયો હતો અને પ્રેમિકાને લેવા ફિલિપાઇન્સ પહોંચ્યો હતો. લીગલ પ્રોસેસ માટે  ફિલિપાઇન્સમાં પિન્ટુ અને લીંબાજેન એ લગ્ન કર્યા બાદ બન્ને ભારત આવ્યા હતા અને અંકલેશ્વરમાં ભારતીય સંસ્કૃતિ અનુસાર બંને લગ્ન ગ્રંથી થી જોડાયા છે. ઉલ્લેખનીય છે કે વિદેશમાં ઉછરેલી આ યુવતીને ભારતીય સંસ્કૃતિ પ્રત્યે ખૂબ જ લગાવ છે જેને ભારતીય રસોઈ થી લઈ સંસ્કૃતિ સુધી તમામ રિવાજ અપનાવી લીધા છે. ઉલ્લેખનીય છે કે પ્રેમને કોઈ સીમાડા નડતા નથી ત્યારે આવો જ આ કિસ્સો સામે આવ્યો છે જેમાં અંકલેશ્વરના યુવકને ફિલિપાઇન્સ ની યુવતી સાથે પ્રેમ થયો હતો અને વિદેશી યુવતી સાત સમુંદર પાર કરીને ભારત આવી હતી અને હિંદુ રીત રીવાજ મુજબ લગ્ન ના તાંતણે બંધાણી હતી.