અમદાવાદની શાળા આંબેડકર જયંતિ પર ખુલી, નોટિસ મળી

અમદાવાદના સેટેલાઇટ વિસ્તારની એક શાળાને સોમવારે રાષ્ટ્રીય રજાના દિવસે ડો. આંબેડકર જયંતિના અવસરે શાળા ખુલ્લી રાખવા માટે નોટિસ આપવામાં આવી હતી.

અમદાવાદ જિલ્લા શિક્ષણાધિકારી (DEO)ની સૂચના મુજબ, આનંદ નિકેતન શાળાને આંબેડકર જયંતીની જાહેર રજાના દિવસે શૈક્ષણિક પ્રવૃતિઓ કરવા અંગે મળેલી ફરિયાદ અંગે સ્પષ્ટતા કરવા આદેશ કરાયો છે.

શાળાને સોમવારે સવારે 8 વાગ્યાથી આખા દિવસના CCTV રેકોર્ડિંગ ફૂટેજ સબમિટ કરવાનું કહેવામાં આવ્યું છે.

જો શાળા આપેલ સમયમર્યાદામાં પુરાવા રજૂ કરવામાં નિષ્ફળ જાય તો, નિયમો અનુસાર પરિણામી કાર્યવાહી અંગે ચેતવણી આપવામાં આવી છે.

ઉલ્લેખનીય છે કે, આ જ શાળા સામે મહાવીર જયંતિ પર વર્ગો યોજવા અને વિદ્યાર્થીઓને બોલાવવાની ફરિયાદ પણ મળી હતી. જેના પગલે અમદાવાદ શહેર ડીઇઓએ આનંદ નિકેતન સ્કૂલ અને અન્ય બે સ્કૂલોને નોટિસ ફટકારી હતી.