વડોદરાનો કિસ્સો, 62 વર્ષના વૃદ્ધાને એક વ્યક્તિની રિલ્સ જોવાનું વળગણ થયું અને પછી....

આજનો જમાનો સોશિયલ મીડિયાનો છે અને આજે નાના બાળકથી માડીને વૃદ્ધ સહિત તમામ વયના લોકો સોશિયલ મીડિયાનો વ્યાપક ઉપયોગ પણ કરી રહ્યા છે. જો કે સોશિયલ મીડિયાના ઉપયોગનો ક્યારેક અતિરેક થાય તો અવળા પરિણામ પણ આવે છે અને આવા અનેક ઉદાહરણો સમાજમાં જોવા મળે છે. જો કે વડોદરાનો એક કિસ્સો આઘાતજનક છે જેમાં 62 વર્,ના એક વૃદ્ધા નિયમીત રીતે ઇન્સ્ટાગ્રામનો ઉપયોગ કરતા હોવાથી વારંવાર રિલ્સ જોતા હતા અને તેમાં એક યુવક તેમને ગમી જતાં તે વારંવાર  યુવકની રિલ્સ વધુ જોવા માડ્યા હતા. આ વ્યક્તિ સાથે વૃદ્ધાને પ્રેમ થઇ ગયો હતો અને તેની પ્રત્યેક રિલ્સ પર લાઇક અને કોમેન્ટ કરતા હતા પણ ઘરમાં વહુ અને પુત્રને જાણ થઇ જતાં તેમણે ઇન્સ્ટાગ્રામ જ ડિલીટ કરી દીધું હતું અને તેથી વૃદ્ધા નારાજ થઇ ગયા હતા અને જમવાનું પણ છોડી દીધું હતું. આખરે અભયમની મદદ લેવાતા અભયમની ટીમે વૃદ્ધાનું કાઉન્સેલિંગ કર્યું હતું.

વર્તમાન સમયમાં સોશ્યલ મીડિયા ના વપરાશ નો અતિરેક થઇ રહ્યો છે જેના માઠા પરિણામ આવી રહ્યાં છે.  યુવાનો ની સાથે સાથે ગૃહિણીઓ, સિનિયર સિટીઝન ટાઈમ પાસ કરવા વોટ્સઅપ, ફેસબુક,  ઇન્સ્ટાગ્રામ વગેરેનો ઉપયોગ કરતા થઇ ગયા છે . કેટલાક લોકોને તો સોશિયલ મીડિયા વ્યસન જેવું બની ગયું છે. આવો જ એક કિસ્સો વડોદરાના માંજલપુર વિસ્તારમાં બહાર આવ્યો છે.

માંજલપુરના 62 વર્ષ ના વૃદ્ધા સોશ્યલ મીડિયામાં વધારે પડતાં સક્રિય હતા. તેમના દિકરા અને પુત્રવધુ એ મોબાઈલમાં સોશિયલ મીડિયા બંધ કરી દેતા વૃદ્ધા ડિપ્રેશન માં આવી ગયા હતા જેથી અભયમ ની મદદ મેળવાઇ હતી.

મળતી માહિતી મુજબ  62 વર્ષ ના વૃદ્ધા સોશિયલ મીડિયા ઇન્સટાગ્રામનો ઉપયોગ કરતા હતા અને એક જ વ્યક્તિની વારંવાર રિલ્સ જોતા હતા. તેમને તે વ્યક્તિ સાથે તેમને પ્રેમ થઈ ગયો હતો અને તે વ્યક્તિની રિલ્સ ના જોવે તો તેમને ઊંઘ આવતી ન હતી અને વ્યસન જેવું તેમને થઈ ગયેલુ હતું અને તે વ્યસનના કારણે તે ભાઈની રીલ્સ જોઈ તેના પર લાઈક અને કોમેન્ટ કરતા હતા.

જો કે પેલો વ્યક્તિ સામેથી કોઈ રીપ્લાય ન આપતા આ વૃદ્ધા ડિપ્રેશનમાં આવી ગયા હતા અને તે વાતની જાણ તેમના દીકરા અને વહુને થતાં તેમના પુત્રે ઇન્સ્ટાગ્રામ જ ડીલીટ કરતા તે વધારે ડિપ્રેશન માં આવી ગયા હતા અને તેમણે જમવાનું પણ છોડી દીધું હતું. વૃદ્ધાએ ઘરના સભ્યો સાથે ઝઘડા કરવાનું શરુ કરી દીધું હતું. તેમના આ વ્યસન થી હેરાન દિકરા અને પુત્રવધુ એ અભયમ ની મદદ મેળવી હતી .

અભયમ દ્વારા વૃદ્ધાનું અસરકારક કાઉન્સિલિંગ કરી સમજાવ્યું કે સોશિયલ મીડિયાનો ઊપયોગ કરવાથી જાણકારી મળી રહે છે પરતું તેની આદત ના પડવી જોઈએ. તેઓ ને પરીવાર માં ધ્યાન આપવાં, સામાજિક પ્રસંગો વાર તહેવારે એકબીજા ને મળવાનું, પ્રાર્થના, ધ્યાન, સારુ વાંચન, હળવી કસરત,સમ વયસ્કો સાથે વાર્તાલાપ, ન્યૂઝ પેપર, મેગેઝિન વાંચવા વગેરે માંથી જે અનુકૂળ આવે તે શરુ કરવા માહીતિ આપી હતી . સોશિયલ મિડીયામાં ઘણું બધું આવે છે પરતું આપણા ઊપયોગ માં આવે તે જ જોવું જોઈએ. આ સાથે દિકરા અને પુત્ર વધુ ને પણ બા ને એકલા ના મૂકતા તેઓ ની સાથે લાગણી થી વાતચીત કરવી, બહાર સાથે ફરવા લઇ જવા, બહુ ટોક ટાક કરવી નહિ અને તેમની સાથે લાગણી ભર્યો વ્યવહાર કરવા અનુરોધ કર્યો હતો .