રાજકોટમાં 72 કલાકથી હાર્ટ એટેકના કારણે 7ના મોત

રાજકોટમાં છેલ્લા 72 કલાકમાં હાર્ટ એટેકની ઘટનાઓમાં ઓચિંતો વધારો થતાં હાહાકાર મચી ગયો છે. રાજકોટ શહેર જિલ્લામાં વીતેલા 72 કલાકમાં 7 લોકોના મોત થયા છે. જેમના મોત થયા છે તે વ્યક્તિઓ મોટા ભાગે 50થી 60 વર્ષના છે. 

રાજકોટમાં હાર્ટએટેકની ઘટનાઓ ઘાતક બની છે જેમાં 7 લોકોના મોત થયા છે. મળેલી માહિતી મુજબ રાજકોટ જિલ્લાના કોઠારિયા, ગાંધીગ્રામ, શાપર વેરાવળ, વેલનાથપરા સહિતના વિસ્તારમાં હાર્ટએટેકના બનાવો વધ્યા છે અને  હાર્ટએટેકથી મોટાભાગે 50થી 60 વર્ષીય લોકોના મૃત્યુ થયા છે.  હાર્ટ એટેકથી 6 પુરુષ અને 1 મહિનાનું મૃત્યુ થયું હોવાનું સામે આવ્યું છે. 

જેમના હાર્ટ એટેકથી મોત થયા છે તેમાં બિપીનભાઈ સિદ્ધપુરા (ઉંમર વર્ષ 52), રિદ્ધિબેન ગંગલાણી (ઉંમર વર્ષ 51), નારાયણભાઈ ઠુમ્મર (ઉંમર વર્ષ 53), હરુભાઈ ભૂરીયા (ઉંમર વર્ષ 55), શૈલેષભાઈ બારૈયા (ઉંમર વર્ષ 35) , બરકતભાઈ દોભાણી (ઉંમર વર્ષ 56) અને રવીન્દ્રભાઇ બહેરા (ઉંમર વર્ષ 54)નો સમાવેશ થાય છે.

ઉલ્લેખનિય છે કે ખાસ કરીને શિયાળાની મોસમમાં ઠંડી વધતાં હાર્ટ એટેકનું જોખમ વધી જાય છે. શિયાળામાં શરીરની લોહીની નળીઓ સંકાચાતા બ્લડપ્રેશર વધી જાય છે અને તેનાથી હાર્ટ એટેકનું જોખમ વધી જાય છે.