બોલિવૂડ અભિનેત્રી શિલ્પા શેટ્ટી અને તેના પતિ રાજ કુન્દ્રા માટે વિદેશ પ્રવાસની મંજૂરી મેળવવી હવે મુશ્કેલ બની ગઈ છે. મુંબઈના એક વેપારી સાથે કથિત ₹60&nbsp;કરોડની છેતરપિંડીના કેસમાં મંગળવારે EOW (આર્થિક ગુના શાખા) દ્વારા શિલ્પા શેટ્ટીની લગભગ સાડા ચાર કલાકની પૂછપરછ બાદ, બુધવારે બોમ્બે હાઈકોર્ટે દંપતીને એક મોટો આંચકો આપ્યો છે.
હાઈકોર્ટનો આદેશ:
શિલ્પા શેટ્ટી અને રાજ કુન્દ્રાએ હાઈકોર્ટમાં એક અરજી દાખલ કરીને તેમની વિરુદ્ધ જારી કરાયેલા લુક આઉટ સર્ક્યુલર (LOC)ને રદ કરવાની માંગ કરી હતી, જેથી તેઓ ઓક્ટોબર 2025થી જાન્યુઆરી 2026 દરમિયાન વ્યવસાયિક પ્રતિબદ્ધતાઓ માટે વિદેશ પ્રવાસ કરી શકે.
જોકે, બોમ્બે હાઈકોર્ટે દંપતીને સ્પષ્ટ શબ્દોમાં જણાવ્યું કે, "₹60&nbsp;કરોડ જમા કરાવો, તો જ અમે તમને વિદેશ પ્રવાસની પરવાનગી આપવાની અરજી પર વિચાર કરીશું." કોર્ટનો આ આદેશ દંપતીની મુશ્કેલીઓમાં નોંધપાત્ર વધારો કરે છે.
છેતરપિંડીનો સમગ્ર મામલો?
આ કેસ વેપારી દીપક કોઠારી દ્વારા દાખલ કરવામાં આવેલી ફરિયાદ પર આધારિત છે. કોઠારીએ આરોપ લગાવ્યો છે કે 2015થી 2023 દરમિયાન શિલ્પા શેટ્ટી અને રાજ કુન્દ્રાએ તેમની હવે બંધ થઈ ગયેલી કંપની 'બેસ્ટ ડીલ ટીવી પ્રાઇવેટ લિમિટેડ'માં ₹60&nbsp;કરોડનું રોકાણ કરવા માટે પ્રેર્યા હતા અને બાદમાં તે ભંડોળનો વ્યક્તિગત ઉપયોગ માટે ગેરકાયદેસર રીતે અન્યત્ર ઉપયોગ કર્યો હતો.
FIR મુજબ, ફરિયાદીએ દાવો કર્યો છે કે 2015માં દંપતીએ એક મધ્યસ્થી દ્વારા તેમનો સંપર્ક કર્યો હતો અને કંપની માટે ₹75&nbsp;કરોડની લોન માંગી હતી. EOWની વિનંતી પર જ દંપતી વિરુદ્ધ LOC જારી કરવામાં આવ્યું હતું અને રાજ કુન્દ્રાની અગાઉ પૂછપરછ કરવામાં આવી ચૂકી હતી.
પોતાની અરજીમાં દંપતીએ દલીલ કરી હતી કે શિલ્પા શેટ્ટીએ 2016માં જ કંપનીમાંથી રાજીનામું આપી દીધું હતું અને બંનેને તેમની વ્યવસાયિક પ્રતિબદ્ધતાઓ માટે વિદેશ પ્રવાસ કરવો જરૂરી છે. તેઓએ દાવો કર્યો હતો કે વિદેશ પ્રવાસની મંજૂરી ન આપવાથી તેમના મૂળભૂત અધિકારોનું ઉલ્લંઘન થશે. જોકે, હાઈકોર્ટના આદેશથી હવે આ કેસમાં દંપતી પર કાનૂની દબાણ ઘણું વધી ગયું છે.
&nbsp;
&nbsp;
&nbsp;

શિલ્પા-રાજને બોમ્બે હાઈકોર્ટનો આંચકો

રાજ કુન્દ્રા અને શિલ્પા શેટ્ટીની અરજી પર સાડા ચાર કલાક પૂછપરછ બાદ કોર્ટે આદેશ જાહેર કર્યા.

October 8, 2025 | 20:28 IST