બોલીવુડના બાદશાહ શાહરુખ ખાને આ વખતે દિવાળીની ઉજવણીમાં પરંપરાગત ધામધૂમને બદલે સાદગીને અપનાવી. દર વર્ષે તેમના ઘર &lsquo;મન્નત&rsquo;માં ભવ્ય દિવાળી પાર્ટીનું આયોજન થતું હોય છે, પરંતુ આ વખતે એક વ્યક્તિગત કારણસર શાહરુખે પાર્ટીનું આયોજન ન કર્યું અને ઘરે સાદગીથી લક્ષ્મી પૂજા કરી.
શાહરુખે તેમના સોશિયલ મીડિયા એકાઉન્ટ પર દિવાળી પૂજાની એક તસવીર શેર કરી, જેમાં તેમની પત્ની ગૌરી ખાન પૂજા કરતી જોવા મળે છે. આ તસવીર શેર કરતાં શાહરુખે લખ્યું, "બધાને દિવાળીની હાર્દિક શુભકામનાઓ. માતા લક્ષ્મી તમને બધાને સમૃદ્ધિ અને ખુશીઓ આપે. દરેકના માટે પ્રેમ, પ્રકાશ અને શાંતિની કામના કરું છું."
આ પોસ્ટ પર ચાહકોનો પ્રેમ વરસી રહ્યો છે. શાહરુખની સાદગીભરી દિવાળી ઉજવણી અને દરેક ધર્મ પ્રત્યેની તેમની શ્રદ્ધાની ફેન્સે ખૂબ પ્રશંસા કરી છે. મીડિયા રિપોર્ટ્સ અનુસાર, શાહરુખના ઘર &lsquo;મન્નત&rsquo;માં હાલ રિનોવેશનનું કામ ચાલી રહ્યું છે, જેના કારણે તેઓ પરિવાર સાથે ભાડાના ઘરમાં રહે છે. આ કારણે આ વખતે દિવાળી પાર્ટીનું આયોજન ન થયું.
ઉલ્લેખનીય છે કે, શાહરુખ ખાન ટૂંક સમયમાં તેમની પુત્રી સુહાના ખાન અને દીપિકા પાદુકોણ સાથે ફિલ્મ &lsquo;કિંગ&rsquo;માં જોવા મળશે. આ ફિલ્મનું શૂટિંગ હાલ પૂરજોશમાં ચાલી રહ્યું છે.

શાહરુખ ખાને દિવાળીની પૂજા દરમિયાનની એક તસ્વીર શેર કરી છે

બદલ્યો રિવાજ, સાદગીથી કરી લક્ષ્મી પૂજા

October 21, 2025 | 19:43 IST