બોલિવૂડ સુપરસ્ટાર શાહરુખ ખાન અને NCBના પૂર્વ અધિકારી સમીર વાનખેડે વચ્ચેનો કાનૂની સંઘર્ષ હવે વધુ ઊંડો બન્યો છે. આર્યન ખાનની ડ્રગ્સ કેસની તપાસમાં મુખ્ય ભૂમિકા ભજવનાર IRS અધિકારી સમીર વાનખેડેએ શાહરુખ ખાન, ગૌરી ખાન અને તેમની સિરીઝ 'બેડ્સ ઓફ બોલિવૂડ'ના નિર્માતાઓ સામે દાખલ કરેલા માનહાનિના કેસ પર આજે દિલ્હી હાઈકોર્ટમાં ફરી સુનાવણી થઈ હતી, જેમાં કોર્ટે નેટફ્લિક્સ (Netflix) અને રેડ ચિલીઝ એન્ટરટેઇનમેન્ટ (Red Chillies Entertainment) સહિતના પ્રતિવાદીઓને સમન્સ પાઠવ્યા છે.
'બેડ્સ ઓફ બોલિવૂડ' સામે બદનક્ષીનો આરોપ
સમીર વાનખેડેએ તેમની નવી સુધારેલી અરજીમાં આરોપ લગાવ્યો છે કે શાહરુખ ખાનના પુત્ર આર્યન ખાન દ્વારા નિર્દેશિત સિરીઝ 'બેડ્સ ઓફ બોલિવૂડ'માં એક પાત્રને એવી રીતે દર્શાવવામાં આવ્યું છે જે તેમની વ્યક્તિગત છબીને ખરાબ કરે છે અને તેમને બદનામ કરે છે. આ સિરીઝ 18 સપ્ટેમ્બરના રોજ નેટફ્લિક્સ પર રિલીઝ થઈ હતી. સિરીઝના પહેલા એપિસોડમાં, એક અધિકારીને બોલિવૂડની એક પાર્ટી બહાર ડ્રગ્સનો ઉપયોગ કરનારની ધરપકડ કરતા દર્શાવવામાં આવ્યો છે જેનું પાત્ર સમીર વાનખેડેના દેખાવ અને ભૂતકાળના કેસ સાથે આકર્ષક સામ્યતા ધરાવે છે. સિરીઝ રિલીઝ થયા બાદ સોશિયલ મીડિયા પર તેની સરખામણીઓ પણ વાયરલ થઈ હતી.
વાનખેડેએ કોર્ટને જણાવ્યું હતું કે આ સિરીઝના સંદર્ભમાં તેમને, તેમની પત્ની અને બહેનને ટ્રોલ કરતી પોસ્ટ્સ વાયરલ થઈ હતી, જે પ્રથમ દ્રષ્ટિએ બદનક્ષીભરી છે અને આઘાતજનક છે.
દિલ્હી હાઈકોર્ટનું સમન્સ
વરિષ્ઠ વકીલ સંદીપ સેઠી દ્વારા રજૂ કરાયેલા સમીર વાનખેડેની અરજી પર સુનાવણી કરતાં દિલ્હી હાઈકોર્ટે રેડ ચિલીઝ એન્ટરટેઇનમેન્ટ&nbsp; અને નેટફ્લિક્સને સાત દિવસમાં પોતાનો જવાબ દાખલ કરવાનો નિર્દેશ આપ્યો છે. 
કોર્ટે સ્વીકાર્યું હતું કે વાનખેડે પાસે કોર્ટમાં આવવાનું પૂરતું કારણ છે, પરંતુ કાનૂની પ્રક્રિયાનું પાલન કરવું આવશ્યક છે. અગાઉ 26 સપ્ટેમ્બરે કોર્ટે અરજીને દિલ્હીના અધિકારક્ષેત્રમાં માન્ય કરવા માટે સુધારો કરવાનું સૂચન કર્યું હતું. હવે આ મામલે આગામી સુનાવણી 30 ઓક્ટોબરના રોજ થવાની છે.
નોંધનીય છે કે ઓક્ટોબર 2021માં સમીર વાનખેડેના નેતૃત્વ હેઠળની NCB ટીમે આર્યન ખાનની ક્રૂઝમાંથી ડ્રગ્સના આરોપસર ધરપકડ કરી હતી. જોકે, મે 2022માં આર્યન ખાનને પુરાવાના અભાવે નિર્દોષ જાહેર કરવામાં આવ્યો હતો. આ કેસ બાદ વાનખેડે પોતે પણ તપાસના ઘેરામાં આવ્યા હતા.
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;
&nbsp;

'બેડ્સ ઓફ બોલિવૂડ' મુદ્દે રેડ ચિલીઝને સમન્સ

નેટફ્લિક્સ અને રેડ ચિલીઝને 7 દિવસમાં જવાબ આપવા નિર્દેશ, ડ્રગ્સ કેસના અધિકારીએ દાવો કર્યો.

October 8, 2025 | 18:55 IST