લખનૌમાં યુવકે પોતાની માતા અને 4 બહેનોની કરી હત્યા, પિતાની સંડોવણીની શંકા

નવા વર્ષના પ્રથમ દિવસે ઉત્તર પ્રદેશનું લખનૌ શહેર 5 હત્યાથી હચમચી ગયું હતું. એક યુવકે તેની માતા અને ચાર બહેનોની હત્યા કરી નાખી છે. તેણે એક હોટલમાં પરિવારની હત્યા કરી હતી અને જ્યારે પોલીસ સ્થળ પર પહોંચી ત્યારે હત્યારો યુવક    મૃતદેહો પાસે બેઠેલો જોવા મળ્યો હતો. પોલીસે આરોપી યુવકની ધરપકડ કરી છે.

પોલીસે કરેલી પ્રાથમિક પૂછપરછ દરમિયાન જ યુવકે પોતાનો ગુનો કબૂલી લીધો હતો. તેણે 5 હત્યાઓ કરવા પાછળનું કારણ કૌટુંબિક ઝઘડાને ટાંક્યું હતું, તેમ છતાં પોલીસનું કહેવું છે કે હત્યા પાછળનું કારણ હજુ સુધી સંપૂર્ણ રીતે સ્પષ્ટ થયું નથી. અલગ-અલગ એંગલથી તપાસ કર્યા પછી, અમે લિંક્સને જોડીને જ વાસ્તવિક કારણ સુધી પહોંચીશું. 

પોલીસે જણાવ્યું કે  આરોપી યુવકનું નામ અરશદ છે. તેના પિતાનું નામ બદર છે. તે ઈસ્લામ નગર,આગ્રાનો રહેવાસી છે. માર્યા ગયેલા લોકોની ઓળખ કરતા યુવકની માતા અસ્મા, 18 વર્ષની બહેન રહેમિન, 19 વર્ષની બહેન અલશિયા, 16 વર્ષની બહેન અક્સા અને 9 વર્ષની બહેન આલિયા તરીકે થઈ હતી. તે પોતાના પરિવાર સાથે આગ્રાથી લખનઉ આવ્યો હતો. અહીં આખો પરિવાર હોટલ શરણજીતમાં રોકાયો હતો. ગઈકાલે રાત્રે અરશદે હોટલના રૂમમાં જ તેની માતા અને બહેનોનું ગળું દબાવી હત્યા કરી હતી, પરંતુ હત્યા કર્યા બાદ તે ભાગ્યો નહોતો. માતાના મૃતદેહ પાસે બેઠો હતો. આ ઘટના ત્યારે પ્રકાશમાં આવી જ્યારે હોટેલ સ્ટાફ સવારે નાસ્તો સર્વ કરવા માટે રૂમમાં આવ્યો અને મૃતદેહો જોયા. હોટલના મેનેજરે ફોન કરીને પોલીસને જાણ કરી હતી અને સ્થાનિક પોલીસ ઘટના સ્થળે પહોંચી હતી.

 અરશદે પૂછપરછ દરમિયાન કહ્યું કે તેણે તેના પિતા બદર સાથે મળીને હત્યા કરી હતી. હત્યા કર્યા બાદ તે આત્મહત્યા કરવા ગયો હતો. આ વાતની જાણ થતાં પોલીસે બાદરની શોધખોળ શરૂ કરી હતી. પ્રાથમિક તપાસમાં હોટલના રૂમ નંબર 109માં મૃત હાલતમાં મળી આવેલા લોકોની ગરદન અને કાંડા પર ઈજાના નિશાન જોવા મળ્યા હતા. પોલીસને શંકા છે કે મૃતકનું ગળું દબાવવામાં આવ્યું ત્યારે તેણે સંઘર્ષ કર્યો હશે, પરંતુ પોસ્ટમોર્ટમ રિપોર્ટ બાદ જ મોતનું સાચું કારણ બહાર આવશે. ફોરેન્સિક ટીમે પુરાવા એકત્ર કર્યા છે. હોટલના રૂમને સીલ કરી દેવામાં આવ્યો છે. પરિવારે હોટલમાં આવ્યા બાદ શું કર્યું તે જાણવા માટે હોટલમાં લગાવેલા સીસીટીવી કેમેરા પણ ચેક કરવામાં આવી રહ્યા છે. હોટલમાં આવતા શંકાસ્પદ લોકોની તપાસ કરીને પૂછપરછ કરવામાં આવશે. સવાલ એ છે કે અરશદ ઘટનાસ્થળેથી કેમ નાસી ગયો?