બ્લુ ડ્રમમાં પિતાની લાશ છુપાવી બાદમાં શું થયું?

પિતાએ થપ્પડ મારી અને તે અપમાન સહન ન થયું. દિલમાં વસમું લાગી આવતા પિતાને મોતને ઘાટ ઉતારી દીધા હતા. ક્ષણિકમાં આવેલા આક્ષેપને કારણે એક દીકરાએ તેના પિતાનું જ મોત નીપજાવ્યું હતું. માત્ર અહીંથી ન રોકાતા પુત્રએ પિતાની લાશના ટુકડા કરી બ્લુ કલરના ડ્રમમાં ભરી દીધા હતા. 

19 ફેબ્રુઆરીની રાત્રે પિતા માનવેન્દ્ર સિંહ ઘરે આવ્યા ત્યારે તેમને ખબર પડી કે ઘરમાંથી ₹50 લાખ રોકડા ગાયબ છે. પૂછપરછમાં બહાર આવ્યું કે અક્ષતે દારૂના લાયસન્સના રીન્યુઅલ માટે આ પૈસાની ચોરી કરી હતી. 

ગુસ્સે ભરાયેલા પિતાએ અક્ષતને થપ્પડ મારી અને રાઈફલ બતાવી ધમકાવ્યો હતો. આ અપમાનનો બદલો લેવા અક્ષતે સવારે 4 વાગ્યે પિતા ઊંઘતા હતા ત્યારે તેમની જ રાઈફલથી તેમને ગોળી મારી દીધી હતી.

ઘાતકી મોડસ ઓપરેન્ડી

હત્યા બાદ અક્ષતે પિતાની લાશના ટુકડા કર્યા હતા. તેણે ઓનલાઈન ચપ્પુ અને કરવત મંગાવી હતી. લાશના હાથ-પગ કાપીને તેણે શહેરની બહાર ફેંકી દીધા હતા, જ્યારે ધડને બ્લુ ડ્રમમાં પેક કરીને કારમાં છુપાવ્યું હતું. લાશની ગંધ ન આવે તે માટે તેણે રૂમ ફ્રેશનરનો પુષ્કળ ઉપયોગ કર્યો હતો. એટલું જ નહીં, પોલીસને ગેરમાર્ગે દોરવા માટે તેણે પોતે જ પિતા ગુમ થયાની ફરિયાદ નોંધાવી હતી.

હત્યા પાછળનું અસલી કારણ

શરૂઆતમાં આ હત્યા NEET પરીક્ષાના દબાણને કારણે થઈ હોવાનું મનાતું હતું, પરંતુ નવી તપાસમાં ચોંકાવનારો વળાંક આવ્યો છે:

સમગ્ર દેશને હચમચાવી દેનાર લખનૌના આશિયાના વિસ્તારના 'બ્લુ ડ્રમ મર્ડર કેસ'માં મુખ્ય આરોપી 21 વર્ષીય અક્ષત પ્રતાપ સિંહે પ્રથમ વખત જાહેરમાં નિવેદન આપ્યું છે. મેડિકલ ચેકઅપ માટે લઈ જતી વખતે જ્યારે પત્રકારોએ તેને પિતાની હત્યા વિશે પૂછ્યું, ત્યારે તેણે નીચું માથું રાખીને માત્ર એટલું જ કહ્યું, "ગલતી સે હો ગયા" (ભૂલથી થઈ ગયું). 

આ કરુણ ઘટનાની સાક્ષી બનેલી તેની બહેન વિશે પૂછતા અક્ષતે સ્પષ્ટ નકારમાં માથું ધુણાવ્યું હતું અને તેની સંડોવણી હોવાનો ઇનકાર કર્યો હતો. જોકે, પોલીસ સૂત્રોના જણાવ્યા અનુસાર, અક્ષતે તેની બહેનને ડરાવી-ધમકાવીને ચૂપ રહેવા મજબૂર કરી હતી.

પોલીસ હવે અક્ષતના રિમાન્ડ મેળવીને આ કેસમાં અન્ય કોઈની સંડોવણી છે કે કેમ અને નાણાકીય વ્યવહારોની ઊંડી તપાસ કરશે.