વડોદરાના ધારાસભ્ય યોગેશ પટેલનું ફેસબુક એકાઉન્ટ હેક 

વડોદરા શહેર માંજલપુરના ધારાસભ્ય યોગેશ પટેલનું ફેસબુક એકાઉન્ટ હેક કરાયું છે. તેમણે સોશિયલ મીડિયા દ્વારા તેમનું ફેસબુક એકાઉન્ટ હેક કરાયું હોવાનું જણાવી કોઇ પણ પ્રકારના વ્યવહાર નહીં કરવાનું જણાવાયું છે

ફરીથી એકવાર વડોદરા શહેર ના ધારાસભ્ય એકાઉન્ટ હેક થયું છે. અગાઉ પણ સયાજીગંજના  ધારાસભ્ય કેયુર રોકડીયા અને શહેર પ્રમુખ ડો.વિજય શાહનું નું ફેસબૂક એકાઉન્ટ સાયબર ક્રિમીનલ્સ દ્વારા હેક કરાયું હતું.  યોગેશ પટેલે આ બાબતે સાયબર ક્રાઇમ પોલીસ મથકમાં ફરિયાદ નોંધાવી હતી

છેલ્લા  કેટલાય સમયથી સાયબર ગઠિયાઓ દ્વારા નેતાઓ, ચૂંટાયેલા પ્રતિનિધિઓના નામે બોગસ એકાઉન્ટ બનાવીને તેમની લોકપ્રિયતાનો ફાયદો ઉઠાવવાના પ્રયત્નો કરવામાં આવી રહ્યા છે. આ સિલસિલો વર્ષ 2025 માં પણ જારી છે.હવે વડોદરાના માંજલપુર વિધાનસભાના ધારાસભ્ય યોગેશ પટેલનું બોગસ ફેસબુક એકાઉન્ટ બનાવીને તેમના પરિચિતોનો સંપર્ક કરવામાં આવી રહ્યો હોવાનો મામલો સપાટી પર આવ્યો છે. આ મામલે ધારાસભ્યએ પોતાના જ સાચા સોશિયલ મીડિયા એકાઉન્ટ પરથી આ વાત ઉજાગર કરી છે. અને કોઇ પણ પ્રકારનો વહીવટી નહીં કરવા માટેનું સુચન કર્યું છે.

સાયબર ગઠીયાઓએ બોગસ એકાઉન્ટથી યોગેશ પટેલના નજીકના લોકોને જય ભોલેના નામથી મેસેજ મોકલ્યા હતા. યોગેશ પટેલે આ મામલે પોલીસને જાણ કરતાં પોલીસે તપાસ શરુ કરી છે. હવે જોવાનું એ છે કે પોલીસ દ્વારા આરોપી ને પકડવામાં આવશે કે પછી કાગળ પર જ રહેશે.