UP: ગાઝિયાબાદમાં નકલી દવા ફેક્ટરી પકડાઈ, બે ઝડપાયા

ઉત્તરપ્રદેશના ગાઝિયાબાદમાં નકલી દવાની ફેક્ટરીનો પર્દાફાશ થયો છે. મોતના સામાનનું ઉત્પાદન કરવામાં આવી રહ્યું હતું. પોલીસે નકલી દવા સાથે ફેક્ટરીના માલિક સહિત બે લોકોની ધરપકડ કરી છે. નકલી દવાના રેકેટમાં તેમની સાથે કેટલા શખ્સો સંડોવાયેલા છે અને નકલી દવાઓના ખરીદદારો કોણ છે તે મામલે ધરપકડ કરાયેલા શખ્સોની પૂછપરછ હાથ ધરી છે.

દિલ્હીને અડીને આવેલા ગાઝિયાબાદમાં નકલી દવાનું રેકેટ ઝડપી પાડવામાં આવ્યું છે. દિલ્હી ક્રાઈમ બ્રાન્ચની ટીમે લોનીમાં એક ફેક્ટરી પર દરોડો પાડીને નકલી દવાઓ જપ્ત કરી હતી. નકલી દવાઓ બનાવવા માટે વપરાતો કાચો માલ પણ જપ્ત કરવામાં આવ્યો હતો. પોલીસ અને ક્રાઈમ બ્રાન્ચે જપ્ત કરાયેલો માલ જપ્ત કરી ફેક્ટરી સીલ કરી દીધી છે. ફેક્ટરી માલિક સહિત બે લોકોની ધરપકડ કરવામાં આવી છે.

દિલ્હી ક્રાઈમ બ્રાન્ચની પૂછપરછમાં બંને આરોપીઓએ કેટલીક કબૂલાક કરી છે. તેમની ગેંગમાં સામેલ અન્ય વ્યક્તિઓ અને નકલી દવાઓના ખરીદદારો અંતે તપાસ શરૂ કરવામાં આવી છે. આરોપીઓએ ખુલાસો કર્યો હતો કે, તેઓ ચામડીના રોગો માટે નકલી દવાઓ બનાવતા હતા. સમગ્ર ઉત્તર ભારતમાં નકલી દવાઓ સપ્લાય કરવામાં આવતી હતી. તેઓ મોટી કંપનીઓના લેબલનો ઉપયોગ કરીને નકલી દવાઓ વેચતા હતા. આ નેટવર્ક ઘણા સમયથી સક્રિય હતું. ઘણા લોકો તેના દ્વારા મોટો નફો કમાઈ રહ્યા હતા.

દિલ્હી ક્રાઈમ બ્રાન્ચના જણાવ્યા અનુસાર, દિલ્હી અને આસપાસના વિસ્તારોમાં નકલી દવાઓનો વેપાર થઈ રહ્યો હોવાના અહેવાલો મળી રહ્યા હતા. જ્યારે બાતમીદારોને રેકેટની તપાસ માટે તૈનાત કરવામાં આવ્યા. ત્યારે તેમને લોનીમાં નકલી દવાની ફેક્ટરી મળી હતી. બાતમીદાર દ્વારા આપવામાં આવેલી માહિતીના આધારે એક ટીમ બનાવીને રેડ કરવામાં આવી હતી. જ્યાં નકલી દવાઓ બનાવવામાં આવી રહી હતી. ઘટનાસ્થળે પ્રતિષ્ઠિત કંપનીઓના જેવા દેખાતા દવાઓ, કાચો માલ, મશીનરી, લેબલ અને પેકેટ અને રેપર મળી આવ્યા છે.

પોલીસના જણાવ્યા અનુસાર, ઘટના સ્થળેથી બે લોકોની પણ ધરપકડ કરવામાં આવી છે. એક ફેક્ટરી માલિક અને સપ્લાયરની ધરપકડ કરાઈ છે. તેઓ ગેંગ ચલાવતા હતા. નકલી દવાઓનું ઉત્પાદન કરીન તેમના માટે ગ્રાહકો લાવતા હતા. નકલી દવાઓને નવી તરીકે વેચવામાં આવતી હતી. મોટી કંપનીઓના રેપરમાં દવા પેક કરવામાં આવતી હતી. જેથી લોકોને ખબર ન પડે કે તે નકલી દવા છે. જ્યારે નકલી દવાઓ ખતરનાક અને જીવલેણ સાબિત થઈ શકે તેમ હોવા છતાં આરોપીઓને તેની પરવા નહોતી.