લક્ઝુરિયસ કારમાં આવેલા ચોરો ATM કાપીને 32 લાખ ચોરી ગયા

સીકરમાં લક્ઝરી કારમાં આવેલા નકાબપોશ ચોરોએ ગેસ કટરથી SBI ATM કાપીને 32 લાખથી વધુ રોકડ લૂંટી લીધી છે. ATM પાસેની એક દુકાનમાં લગાવેલા CCTVમાં આ ચોર પણ જોવા મળ્યા છે. જેમાં  4 થી 5 માસ્ક પહેરેલા ચોર લક્ઝરી કારમાં આવ્યા હતા અને આ ઘટનાને અંજામ આપ્યો હતો.

ઘટનાની માહિતી મળતાં જ ઉદ્યોગ નગર પોલીસ સ્ટેશન અને FSL ટીમ સવારે ઘટનાસ્થળે પહોંચી ગઈ હતી. ATM ઇન્ચાર્જ અને બેંક અધિકારીઓ પણ ઘટનાસ્થળે પહોંચી ગયા હતા. શુક્રવારે વહેલી સવારે લગભગ 3 વાગ્યાની આસપાસ આ ઘટના બની હતી.

સીકર શહેરના જયપુર રોડ પર એક SBI ATM છે. ઘટના સમયે ATM પર કોઈ ગાર્ડ હાજર નહોતો. ચોરોએ આનો ફાયદો ઉઠાવ્યો. લૂંટારુઓએ ગેસ કટરથી ATM કાપીને રોકડ લૂંટી લીધી. SBI બેંકના આસિસ્ટન્ટ મેનેજર પંકજ કુમારે જણાવ્યું - 4 થી 5 બદમાશો એક કારમાં આવ્યા હતા. શુક્રવારે બપોરે લગભગ 2 વાગ્યે ATMમાં 32 લાખ 69 હજાર રૂપિયા જમા કરાવવામાં આવ્યા હતા. આ પહેલા પણ ATMમાં રોકડ હતી. પોલીસે બદમાશોને પકડવા માટે સમગ્ર જિલ્લામાં નાકાબંધી કરી છે. લૂંટારુઓના કડીઓ મળી શકે તે માટે નજીકના સીસીટીવી ફૂટેજ સ્કેન કરવામાં આવી રહ્યા છે.

 

 ઉલ્લેખનિય છે કે રાજસ્થાનમાં અજિતગઢ અને ખાટુશ્યામજીમાં પણ એટીએમ લૂંટની ઘટના અગાઉ નોંધાઈ છે. આ કિસ્સાઓમાં પણ પોલીસ ગુનેગારોને શોધી રહી છે, પરંતુ હજુ સુધી કોઈ નક્કર સુરાગ મળ્યો નથી. જિલ્લામાં એટીએમ લૂંટની ઘટનાઓ સતત વધી રહી છે. પોલીસની અનેક ટીમોએ લૂંટારુઓને શોધવાનું શરૂ કર્યું છે.

બીજી તરફ, એસબીઆઈના આસિસ્ટન્ટ મેનેજર પંકજ કુમારે જણાવ્યું હતું કે પહેલા એટીએમ તોડવામાં આવ્યું હતું અને પછી 32 લાખ 69 હજાર રૂપિયાની ચોરી કરવામાં આવી હતી. ચોરોએ એટીએમમાં લગાવેલા સીસીટીવી પણ ઉખેડી નાખ્યા છે. મેનેજર શક્તિ સિંહે જણાવ્યું હતું કે પોલીસને સમગ્ર ઘટનાની જાણ કરવામાં આવી છે. ચોરોએ રાત્રે આ ઘટનાને અંજામ આપ્યો હતો.

આ પણ વાંચો---

Kolkata IIM ની હોસ્ટેલમાં યુવતીને બેભાન કરીને દુષ્કર્મ કરાતા ખળભળાટ