પડોશી જ બન્યો હેવાન

રાજ્યમાં સતત દુષ્કર્મની ઘટનાઓ વધી રહી છે. એક પછી કિસ્સાઓ સામે આવતાં રાજ્યભરમાં ખળભળાટ વ્યાપી જવા પામ્યો છે.  ખેડાના માતરથી દુષ્કર્મની ઘટના પ્રકાશમાં આવી છે. આ ઘટનામાં પાડોશી જ હેવાન હોવાના આક્ષેપ કરવામાં આવ્યા છે. પોતાની આસપાસ રહેતી ત્રણથી ચાર બાળકીને પોતાની હવસનો શિકાર બનાવી હતી. ફરિયાદ મુજબ આરોપી ચંદ્રકાન્ત પટેલે 3 બાળકી પર દુષ્કર્મ આચર્યું છે. જ્યારે એક બાળકીની શારિરીક છેડતી કરી હોવાનો આરોપ છે. નરાધમે બાળકી પર આચરેલા દુષ્કર્મનો વીડિયો ઉતાર્યો હોવાની પણ માહિતી મળી છે. 

આ ઘટનાની જાણ થતાં જ ખેડા જિલ્લા પોલીસ અને એલસીબી સહિતની ટીમ દોડતી થઇ ગઇ છે. પોલીસની ટીમે આરોપી ચંદ્રકાન્ત પટેલની ધરપકડ કરી પૂછપરછ શરૂ કરી દીધી છે. 

ખેડા એસપી રાજેશ ગઢીયાનું કહેવું છે કે 'ફરીયાદ બાદ આરોપીને ઝડપી લેવાયો છે. અને તેની પૂછપરછ કરાઈ રહી છે. આરોપીએ જુદી જુદી લાલચ આપીને ચાર બાળકીઓને શિકાર બનાવી છે. પોલીસ ફોરેન્સિક અને સાયન્ટિફિક રીતે સમગ્ર મામલે તપાસ કરાવશે.