રાજધાની દિલ્હી નજીકથી એક અત્યંત ચોંકાવનારી ઘટના સામે આવી છે, જ્યાં જમ્મુ-કાશ્મીર પોલીસની ટીમે હરિયાણાના ફરીદાબાદ ખાતેથી 350 કિલોના વિસ્ફોટક પદાર્થ અને બે એસોલ્ટ રાઇફલ જેવો શસ્ત્રોનો મોટા પ્રમાણમાં જથ્થો જપ્ત કર્યો છે.
આ કાર્યવાહી ઉત્તર પ્રદેશના સહારનપુરથી કાશ્મીરી ડૉક્ટર આદિલ અહેમદ રાઠરની ધરપકડના થોડા દિવસો બાદ કરવામાં આવી છે. ડોકટર આદિલ ઉપર આતંકવાદી સંગઠન જૈશ-એ-મોહમ્મદ (JeM)ના સમર્થનમાં શ્રીનગરમાં પોસ્ટર લગાવવાનો આરોપ છે.
પૂછપરછમાં ખુલાસો
સૂત્રોના જણાવ્યા અનુસાર, ડૉ. આદિલ અહેમદ રાઠરની પૂછપરછ દરમિયાન ફરીદાબાદમાં વિસ્ફોટકોના સંગ્રહનો ખુલાસો થયો હતો. આ વિસ્ફોટકો અને શસ્ત્રો અન્ય એક ડૉક્ટર મુઝમ્મિલ શકીલના સહયોગથી સંગ્રહિત કરવામાં આવ્યા હતા. શકીલ જમ્મુ-કાશ્મીરના પુલવામાનો રહેવાસી છે અને ફરીદાબાદની અલ-ફલાહ હોસ્પિટલમાં કામ કરે છે. તેની પણ ધરપકડ કરવામાં આવી છે.
ફરીદાબાદ પોલીસ કમિશનર સતૈન્દર કુમાર ગુપ્તાએ જણાવ્યું કે, 350 કિલો વિસ્ફોટક સાથે ટાઇમર પણ મળી આવ્યા છે. જોકે, એસોલ્ટ રાઇફલ્સ AK-47 ન હતી.
આતંકવાદી પ્રવૃત્તિઓના સમર્થનમાં પોસ્ટર લગાવવા બદલ રાઠરની ધરપકડ કરવામાં આવી હતી જેમાં તપાસ દરમિયાન પોલીસને જાણવા મળ્યું કે રાઠર ઓક્ટોબર 2024 સુધી અનંતનાગની સરકારી મેડિકલ કોલેજમાં કામ કરતો હતો. પોલીસે જ્યારે તેના લોકરની તપાસ કરી ત્યારે ત્યાંથી AK-47 રાઇફલ અને દારૂગોળો મળી આવ્યો હતો.
આ સમગ્ર વિગતો આદિલ રાઠર આતંકી સંગઠનમાં હોય તેની કથિત સંડોવણી સૂચવે છે. આતંકવાદી નેટવર્ક્સ હવે ઉચ્ચ શિક્ષિત પ્રોફેશનલ્સની ભરતી કરી રહ્યા છે.&nbsp;
પોલીસ સૂત્રોએ જણાવ્યું કે દિલ્હીની આટલી નજીક આટલો મોટો વિસ્ફોટકોનો જથ્થો એકઠો કરવા પાછળનો ચોક્કસ પ્લાન શું હતો, તેની તપાસ ચાલી રહી છે. ઉપરાંત, આટલી મોટી માત્રામાં વિસ્ફોટકો રાજધાનીની આટલી નજીક સુધી કેવી રીતે પહોંચાડવામાં આવ્યા, તે મુદ્દે પણ સઘન તપાસ ચાલી રહી છે.

ડોક્ટરના રૂમમાંથી 360Kg RDX જપ્ત

આતંકી સંગઠનોનું શિક્ષિત પ્રોફેશનલ્સનું રીક્રુટમેન્ટ: નવું કાવતરું, ડૉ. આદિલ દ્વારા ખુલાસા

November 10, 2025 | 17:09 IST