<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">અમદાવાદના ધંધુકા શહેરની નસીબ સોસાયટીમાં બાઈક ઓવરટેક કરવાના મામલે થયેલી માથાકૂટ હિંસક ઘટનામાં પરિણમી છે. એક યુવકની હત્યા બાદ બે પક્ષો વચ્ચે સામસામો પથ્થરમારો થયો હતો. જ્યારે ટોળાએ આગચંપી કરતાં તંગદિલી જેવું વાતાવરણ બન્યું હતું. અમદાવાદ પોલીસે ઘટના સ્થળે પહોંચી પરિસ્થિતિ પર કાબૂ મેળવી લીધો છે. જ્યારે આરોપીઓની શોધખોળ શરૂ કરી છે.&nbsp;
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">ધંધુકાની નસીબ સોસાયટી વિસ્તારમાં અંગત અદાવત અને સામાન્ય બોલાચાલીએ શનિવારે હિંસક વળાંક લીધો હતો. સૂત્રો પાસેથી મળેલી માહિતી મુજબ બાઈક ઓવરટેક કરવા જેવી નજીવી બાબતે બે પક્ષો વચ્ચે થયેલી માથાકૂટ બાદ એક યુવકની ઘાતકી હત્યા કરવામાં આવી હતી. જેના કારણે વિસ્તારમાં તણાવનું વાતાવરણ સર્જાયું હતું.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">મૃતક યુવક અને આરોપીઓ વચ્ચે રસ્તા પર બાઈક ચલાવવા બાબતે તકરાર થઈ હતી. સામાન્ય લાગતી માથાકૂટે થોડીવારમાં ઉગ્ર સ્વરૂપ ધારણ કર્યુ હતું. આરોપીઓએ યુવક પર જીવલેણ હુમલો કરી તેને મોતને ઘાટ ઉતારી દીધો હતો. યુવકની હત્યાના સમાચાર વાયુવેગે ફેલાતાં નસીબ સોસાયટી આસપાસ લોકોના ટોળા એકઠાં થઈ ગયા હતા. ઉશ્કેરાયેલા ટોળાએ આક્રોશમાં દુકાનોમાં તોડફોડ કરી આગચંપી કરવાની ઘટનાઓને અંજામ આપ્યો હતો.
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">બંને પક્ષો વચ્ચે સામસામે પથ્થરમારો થતાં વિસ્તાર રણમેદાનમાં ફેરવાઈ ગયો હતો. પરિસ્થિતિ બેકાબૂ બનતી જોઈ અમદાવાદ ગ્રામ્ય પોલીસ તાત્કાલિક ઘટનાસ્થળે દોડી આવી હતી. સ્થિતિની ગંભીરતાને ધ્યાનમાં રાખી અને કાયદો-વ્યવસ્થાની જાળવણી માટે વહીવટીતંત્રએ પગલાં ભરતાં પરિસ્થિતિ નિયંત્રણમાં આવી હતી. જ્યારે યુવકની હત્યા કરનાર આરોપીઓની શોધખોળ શરૂ કરવામાં આવી હતી. 
<span lang="GU" style="font-family: 'Shruti',sans-serif; mso-ascii-font-family: Calibri; mso-ascii-theme-font: minor-latin; mso-hansi-font-family: Calibri; mso-hansi-theme-font: minor-latin; mso-bidi-theme-font: minor-bidi; mso-bidi-language: GU;">સમગ્ર વિસ્તારમાં પોલીસનો ચુસ્ત બંદોબસ્ત ગોઠવી દેવામાં આવ્યો છે. અમદાવાદ ગ્રામ્ય પોલીસ દ્વારા પરિસ્થિતિ પર કાબૂ મેળવી લેવામાં આવ્યો છે અને અસામાજિક તત્વો પર કડક નજર રાખવામાં આવી રહી છે. પોલીસે હત્યામાં સંડોવાયેલા આરોપીઓની ઓળખ કરીને તેમની ધરપકડ કરવાની પ્રક્રિયા હાથ ધરી છે. ઉચ્ચ પોલીસ અધિકારીઓ દ્વારા લોકોને શાંતિ જાળવવા અને અફવાઓ પર વિશ્વાસ ન કરવા અપીલ કરવામાં આવી છે. જ્યારે ધંધુકાના સંવેદનશીલ વિસ્તારોમાં પોલીસનું પેટ્રોલિંગ વધારી દેવામાં આવ્યું છે.

ધંધુકા શહેરમાં થયેલી તોડફોડ અને આગચંપીના બનાવોની તસવીર

બાઈક ઓવરટેક કરવા મુદ્દે લીધું હિંસક સ્વરૂપ, પોલીસે ઘટના સ્થળે પહોંચી સ્થિતિને કાબૂમાં લીધી

April 18, 2026 | 18:30 IST