માતાએ ઠપકો આપતા ધો.7ના વિદ્યાર્થીએ ગળાફાંસો ખાધો

સુરતમાં આપઘાતના બનાવોમાં સતત વધારો થઈ રહ્યો છે ત્યારે ડીંડોલી વિસ્તારની એક ઘટના સામે આવી છે જેમાં માતા એ ઠપકો આપ્યો તો દીકરાએ ગળે ફાંસો ખાઈ લીધો

ઘટનાની વિગતે વાત કરીએ તો મૂળ મહારાષ્ટ્રના જલગાંવના વતની અને હાલમાં સુરતના ડીંડોલી વિસ્તારમાં રહેતા રોહિતદાસ મજુરી કામ કરીને પરિવારનું ગુજરાન ચલાવે છે. તેઓનો 13 વર્ષનો પુત્ર ધો. 7માં અભ્યાસ કરતો હતો.

દરમ્યાન બપોરે શાળાએથી છૂટીને તે ઘરે આવ્યો હતો અને બહેનને મિત્ર પાસે નોટબુક લેવા જવાનું કહીને સાઈકલ લઈને નીકળી ગયો હતો. આ બાબતે નોકરી પરથી ઘરે આવેલી માતાએ અભ્યાસ તેને અંગે ઠપકો આપ્યો હતો. 

જે બાદ દિકરાએ ઘરમાં ફાંસો ખાઈ જીવન ટુંકાવી લીધું હતું. વ્હાલસોયા દીકરાના મોતને લઈને પરિવાર શોકમાં ગરકાવ થઈ ગયો હતો.