ગાંધીનગરમાં બાળકી પર દુષ્કર્મની ઘટના

ગાંધીનગરમાં એક અતિ ગંભીર અને સનસનીખેજ ઘટના સામે આવી છે, જેમાં 5-6 વર્ષની માસૂમ બાળકી પર દુષ્કર્મ આચરવામાં આવ્યું છે. આ દુષ્કર્મની ઘટના ગાંધીનગરના સેક્ટર 21 પોલીસ સ્ટેશન વિસ્તારમાં મોડી રાત્રે, ઠંડીના સમયમાં બની હોવાનું જાણવા મળ્યું છે. આ બનાવની જાણ થતાં જ પોલીસ વિભાગમાં ખળભળાટ મચી ગયો હતો અને પોલીસનો ઉચ્ચ અધિકારીઓ સહિતનો કાફલો તાત્કાલિક ઘટના સ્થળે દોડી ગયો હતો. પોલીસે આ સમગ્ર કેસમાં ઝડપથી કાર્યવાહી શરૂ કરીને 2 શકમંદોની અટકાયત કરી છે અને તેમની સઘન પૂછપરછ ચાલી રહી છે. આ ગંભીર ગુનાનો ભેદ ઉકેલવા માટે પોલીસ હાલમાં તપાસનો ધમધમાટ ચલાવી રહી છે.

અજાણ્યા શખ્સોએ બાળકી પર કૃત્ય આચર્યું

વોશરૂમ માટે ગઈ ત્યારે બની ઘટના પ્રાપ્ત માહિતી અનુસાર, આ દુષ્કર્મની ઘટના ત્યારે બની જ્યારે બાળકી મોડી રાત્રે વોશરૂમ જવા માટે ગઈ હતી. આ દરમિયાન જ કોઈ અજાણ્યા શખ્સો દ્વારા બાળકી પર આ ઘૃણાસ્પદ કૃત્ય આચરવામાં આવ્યું હતું. ઘટના બન્યા બાદ બાળકીએ ડર અને પીડા સાથે આ સમગ્ર મામલો પોતાના માતા-પિતાને જણાવ્યો હતો. માસૂમ બાળકી પાસેથી હકીકત જાણ્યા બાદ માતા-પિતાએ તાત્કાલિક પોલીસને જાણ કરી હતી. પોલીસને જાણ થતાં જ ઉચ્ચ અધિકારીઓ ઘટના સ્થળે પહોંચ્યા હતા અને બાળકીની પૂછપરછ પણ શરૂ કરી હતી. પોલીસે ગુનો નોંધીને કાયદેસરની કાર્યવાહી હાથ ધરી છે, જેમાં શકમંદોની પૂછપરછ ચાલુ છે.

આ પણ વાંચો: જસદણ: દુષ્કર્મ આરોપીનો પોલીસ પર ધારિયાથી હુમલો

બાળકીને મેડિકલ પરીક્ષણ માટે ખસેડી

મેડિકલ રિપોર્ટ અને આગળની તપાસ આ કેસની ગંભીરતાને ધ્યાનમાં રાખીને પોલીસે તુરંત જ બાળકીને મેડિકલ પરીક્ષણ માટે ખસેડી છે. બાળકીનો મેડિકલ રિપોર્ટ કઢાવવામાં આવશે, જેનાથી જાણી શકાશે કે, બાળકીને શરીરના ક્યા ભાગોમાં ઈજાઓ પહોંચી છે. પોલીસ માત્ર શકમંદોની જ નહિ, પરંતુ બાળકીના માતા-પિતા અને આસપાસના વિસ્તારમાં રહેતા લોકોની પણ પૂછપરછ કરી રહી છે. આસપાસના લોકો પાસેથી માહિતી મેળવીને પોલીસ આરોપીઓ સુધી પહોંચવાના પ્રયાસો કરી રહી છે. આ ગાંધીનગર દુષ્કર્મ કેસમાં પોલીસ ઝડપી અને નિષ્પક્ષ તપાસ કરીને આરોપીઓને કાયદાના સકંજામાં લાવવા માટે સંપૂર્ણ પ્રયાસ કરી રહી છે.