ખોખરા-કાંકરીયા રોડ પર સિક્યુરિટી ગાર્ડનું ભયાનક મોત :&nbsp;
અમદાવાદના ખોખરા-કાંકરીયા રોડ પર શુક્રવારે વહેલી સવારે એક ગંભીર અકસ્માત થયો. ન્યૂ ગ્રીન માર્કેટ પાસે અજાણ્યા વાહને 70 વર્ષીય સિક્યુરિટી ગાર્ડને ટક્કર મારી, જેને કારણે તેમની ઘટનાસ્થળે જ મોત થઈ ગયું.
મૃતકની ઓળખ અને ઘટના વિગત :&nbsp;
મૃતકની ઓળખ રમણભાઈ દયાભાઈ પરમાર (ઉંમર 70) તરીકે થઈ છે. તેઓ ખોખરામાં કે.કે. શાસ્ત્રી કોલેજની સામે હિંમતલાલ બાપાલાલ પરમારની ચાલીમાં રહેતા હતા. રમણભાઈ નાઈટ શિફ્ટમાં ન્યૂ ગ્રીન માર્કેટમાં સિક્યુરિટી ગાર્ડ તરીકે ફરજ બજાવતા હતા.
અકસ્માત સવારે 3.12 વાગ્યાના આસપાસ થયો હતો. જ્યારે રમણભાઈ ચા પીવા માટે બહાર નીકળ્યા હતા. અચાનક એક અજાણ્યા વાહન ચાલકે તેમને ટક્કર મારી હતી. જેના કારણે તેઓ રસ્તા પર પટકાયા અને વાહનનું ટાયર તેમના માથા પરથી ફરી વળ્યું હતું. જેનાથી ગંભીર ઈજાઓ થઈ અને ઘટના સ્થળે જ મોત નિપજ્યું હતું.&nbsp;
પોલીસ તપાસ અને આગળની કાર્યવાહી :&nbsp;
મૃતદેહને પોસ્ટમોર્ટમ માટે ખસેડવામાં આવ્યો છે અને ખોખરા પોલીસે FIR નોંધવાનો પ્રારંભ કર્યો છે. આસપાસના CCTV ફૂટેજ સ્કેન કરીને અકસ્માત સર્જનાર વાહન ચાલકની શોધ શરૂ કરવામાં આવી છે. પોલીસ ઘટના ક્રમ અને જવાબદાર ડ્રાઇવરનો પતો લગાવવા માટે તપાસ ચાલુ રાખી રહી છે.

ખોખરા અકસ્માત વૃદ્ધ સિક્યુરિટી ગાર્ડ

ન્યૂ ગ્રીન માર્કેટ નજીક અજાણ્યા વાહનને ટક્કર, 70 વર્ષીય સિક્યુરિટી ગાર્ડનું મોત

November 14, 2025 | 21:24 IST