Punjab : લુધિયાણામાં AUDI કારનો ભીષણ અકસ્માત, નશામાં ધૂત ડ્રાઈવરે એકનો ભોગ લીધો, 3 ઘાયલ

લુધિયાણાના ભામીયા રોડ પર જી.કે. એસ્ટેટ પાસે ફરી એકવાર એક AUDI કારે ભયાવહ અકસ્માત સર્જ્યો છે. આ બેકાબૂ કારે કુલચે-ચણાની રેહડી લગાવતા એક વ્યક્તિનો જીવ લીધો છે, જ્યારે અન્ય ત્રણ લોકો ગંભીર રીતે ઘાયલ થયા છે. આ ઘટના ફરી એકવાર બેફામ ડ્રાઇવિંગ અને નશામાં વાહન હંકારવાના ગંભીર પરિણામો દર્શાવે છે.

નશામાં ધૂત ડ્રાઈવર, બેકાબૂ કાર અને મોતનો તાંડવ...

પ્રાથમિક માહિતી અનુસાર, AUDI કારનો ડ્રાઈવર નશાની હાલતમાં હતો. તેણે કાર પરથી કાબૂ ગુમાવતા કાર બેકાબૂ બની હતી અને રાહદારીઓને અડફેટે લીધા હતા. આ ગમખ્વાર અકસ્માતમાં રેહડી લગાવતા એક નિર્દોષ વ્યક્તિનું ઘટનાસ્થળે જ મોત થયું હતું, જ્યારે અન્ય ત્રણ લોકો ઈજાગ્રસ્ત થયા હતા.

ડ્રાઈવર ફરાર, પોલીસની ઢીલી કામગીરી...

આ અકસ્માત બાદ સ્થાનિક લોકોએ ડ્રાઈવરને ઘટનાસ્થળે જ ઝડપી લીધો હતો, પરંતુ આશ્ચર્યજનક રીતે તે સ્વિફ્ટ કારમાં બેસીને ફરાર થઈ ગયો હતો. ઘટનાની જાણ થયા પછી, પોલીસ લગભગ એક કલાક બાદ ઘટનાસ્થળે પહોંચી હતી, જે પોલીસની ઢીલી કામગીરી પર સવાલો ઉભા કરે છે. પોલીસે CCTV ફૂટેજ કબજે લઈને તપાસ શરૂ કરી છે. કાર ચંદીગઢ રજિસ્ટ્રેશનની હોવાનું પણ ખુલ્યું છે.

આ પણ વાંચો : ઉત્તરકાશીમાં વાદળ ફાટવાથી 9 શ્રમિકોના થયા ગુમ

પોલીસ તપાસ ચાલુ, ન્યાયની અપેક્ષા...

ASI બલવિંદર સિંહના જણાવ્યા અનુસાર, આ ઘટનાની ગંભીર તપાસ ચાલી રહી છે. આવા કિસ્સાઓમાં કડક કાર્યવાહી અનિવાર્ય છે જેથી ભવિષ્યમાં આવા અકસ્માતો અટકાવી શકાય. નશામાં ધૂત ડ્રાઈવર સામે કાયદાકીય કાર્યવાહી કરીને મૃતક અને ઘાયલોને ન્યાય મળે તેવી લોકોમાં માંગ ઉઠી છે.

આ પણ વાંચો : Puri : શ્રદ્ધાનો મહાપર્વ બન્યો શોકનો પ્રસંગ, રથયાત્રામાં અંધાધૂંધી, 3 નિર્દોષના મોત!